Ի գիտություն Լ.Հարոյանի՝ օլիգարխիան քաղաքական կառավարման ռեժիմ է, որը Հայաստանում գոյություն չունի
Ստելլա Հովսեփյանը ֆեյսբուքյան իր էջում գրում է.
«Քաղաքական մանիպուլացիաներով» զբաղվելը ընդհանրապես հարիր չէ հայ կնոջը: Ընդհանրապես հարիր չէ, երբ աջ ու ձախ հայտարարություններ են արվում, առանց դրանց հիմնային ուսումնասիրություն կատարելու: Որևիցե հայտարարություն կատարելիս անհրաժեշտ է գոնե փոքր ինչ ուսումնասիրել հայտարաությունների հիմքը, հետո միայն հայտարարություններ կատարել, որպեսզի հարցերի դեպքում պատասխաներ տրվեն:
Այսպես անվանվող «Ազգային առաջընթաց» կուսակցության ղեկավար Լուսինե Հարոյանը, մի շարք աղմկահարույց հայտարարություններ է արել, առանց որևէ հիմք ունենալու: Լւոսինե Հարոյան, հասկանալի է, որ առջևում ընտրություններ են և Ձեր մոտ գործում է՝ «որքան բարձր գոռալ, այնքան շատ ձայն հավաքել» սկզբունքը, սակայն այդ խաղերը այլևս չեն անցնի:
Դուք համարձակություն եք ունենում հայտարարելու, որ ապրիլ-մայիսյան ամիսներին տեղի ունեցածը պարզապես իշխանափոխություն էր: Հարկ եմ համարում նշել, որ դա ոչ թե իշխանափոխություն էր, այլ հեղափոխություն, հեղափոխություն իր ամբողջ նշանակությամբ: Դա այն հեղափոխությունն էր, որին մասնակցում էր համայն հայությունը, որը բխում էր ժողովրդի ոգուց: Կամ անդրադառնում եք ինչ որ օլիգարխիկ համակարգի առկայությանը և մատնանշում Գագիկ Ծառուկյանին: Պետք է նշել, որ օլիգարխիան քաղաքական կառավարման ռեժիմ է, որը բացակայում է Հայաստանում: Կամ, ե՞րբ է Գագիկ Ծառուկյանը օգտագործել պետական կառավարման լծակները իր բիզնեսի համար, երբ Գագիկ Ծառուկյանը երբեք չի եղել պետական սեկտորում:
Իսկ հայտարարությունները, թե ԲՀԿ-ն ԱԺ-ում օրինագծերն ընդունելիս առաջնորդվում են կուսակցական, կլանային շահերով, ուղղակի աբսուրդային են: Հետաքրքիր է Հարոյանն ընդհանրապես գաղափար ունի՞, թե ինչ բան է օրինագիծը: Ստորև կթվարկեմ մի քանի օրինագծեր, որոնք մշակվել են «Ծառուկյան» դաշինք խմբակցության կողմից, ու դրանցից ո՞րը կանվանեք կլանային՝
• «Չաշխատող մայրերին մինչև երկու տարեկան երեխայի խնամքի նպաստ տրամադրելու» օրինագիծ (չի ընդունվել խորհրդարանի կողմից):
• «Փոքր և միջին ձեռնարկատիրության զարգացման և պետական աջակցության մասին» օրինագիծ (չի ընդունվել խորհրդարանի կողմից):
• «Վարձու աշխատող չունեցող անհատ ձեռնարկատերերին եւ առևտրային կազմակերպություններին հարկային արտոնություն տրամադրելու մասին» օրինագիծ (չի ընդունվել խորհրդարանի կողմից):
• «Ավելացված արժեքի հարկի մասին» օրինագիծ (չի ընդունվել խորհրդարանի կողմից):
Այս շարքը այնքան կարելի է շարունակել, որ Ձեր ժամանակը չի հերիքի դրանք կարդալու համար: Չնայած կարդալով գոնե կսովորեք, թե ինչ բան է պետականամետ օրինագիծը: Բավական հստակ երևում է Ձեր քաղաքական ունակությունները, որից զրկված եք: Ու չեմ հասկանում, ինչու եք տուրիզմի ոլորտից անցում կատարել քաղաքականին: Հենց Ձեր նմանների պատճառով է, որ մասնագիտական դաշտ չի ձևավորվում, որ բոլորը ցանկանում են անել այն, ինչը իրենց վերապահված չէ:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
