Բարության և կամեցողության վրա կառուցված հարաբերությունները ոչ գնել է հնարավոր և ոչ էլ վաճառել, դա հավետ է…
Հասմիկ Վարդանյանը ֆեյսբուքյան իր էջում գրում է.
Երջանիկ ու անհոգ մանկության գրավականը երեխաների այդ տարիների երազանքներն ի կատար ածելու մեջ է թաքնված: Եվ ինչպես ժամանակին ասել է ֆրանսիացի հայտնի բարոյախոս Ժան դե Լա Բրյուրեը, «երեխաները չգիտեն ոչ անցյալ, ոչ ապագա, նրանք վայելում են ներկան» և հենց նրանց ներկան է հարկավոր լցնել սիրով և ջերմությամբ:
Այս համատեքստում էլ, թերևս բոլորն էլ կհամաձայնվեն, որ երեխաների երազանքների իրականացման ինքնատիպ հաղորդաշարերից է «Ես կամ»-ը: Բազմաթիվ անգամներ ենք ականատես եղել, թե ինչպես են մանուկների աչքերը փայլում, երբ հաղորդման շրջանակներում իրականացվում է նրանց երազանքն ու նրանք հանդիպում են այն հայտնի մարդուն, ում ցանկանում են նմանվել, ում գործունեությունը հոգեհարազատ է դառնում նրանց համար և ինչու չէ, ապագայում մեծ բարձունեների հասնելու համար յուրահատուկ խթան է հանդիսանում նաև: Այս անգամ հաղորդման ֆորմատը մի փոքր այլ էր, քանի որ միանգամից 8 երեխա էր հանդիպելու իրենց սիրելի հայտնիին և երեխաները հանդիպեցին Գագիկ Ծառուկյանին, ում ջերմագին ընդունելությունը, սերն ու բերկրանքը սկսվեց հենց բարևից:
Բոլորն էլ գիտեն, թե որքան անմիջական է իր շփումների ընթացքում ԲՀԿ առաջնորդը, ինչն այս դեպքում երեխաներին հավելյալ ինքնավստահություն հաղորդեց, դրա արդյունքում էլ հանդիպումն ու համատեղ անցկացված օրն անմոռանալի դարձավ բոլորի համար: Ըստ իս երեխաների հետ շփման և հաղորդակցման ընթացքում է երևում ցանկացած մարդու բուն էությունը և չնայած Ծառուկյանը տարիներ շարունակ իր ազգանվեր գործունեության ընթացքում մեկ անգամ չէ, որ ապացուցել է իր նվիրվածությունը մեր երկրին ու ժողովրդին, այդուհանդերձ այս շփման ընթացքում երևում էր ակնհայտ, ոչինչ արհեստական չէր, ոչինչ եթերային չէր, այս հանդիպումն ու ամբողջ ընթացքը, սրտից բխած ու միայն բարության ու կամեցողության վրա կառուցված հարաբերություններ էին, որը ոչ կգնես, ոչ էլ կվաճառես, դա հավետ կմնա յուրաքանչյուրի սրտում, որպես քաղցր մանկության ամենահիշարժան օրերից մեկը:
Եվ քանի որ այդ երջանկության ակնթարթները հայ մանուկներին էր հնարավորություն ընձեռնվել վայելել, կարծում եմ յուրաքանչյուր հայ պետք է շնորհակալ լինի և հաղորդման կազմակերխիչներին ու հեղինակներին՝ հանձին տիկին Ռոզա Ծառուկյանի և բոլոր այն մարդկանց, ովքեր իրենց առօրյա հոգսերից շեղվելով, իրենց խնդիրները մի կողմն դնելով, ուրախության պահեր են պարգևում մեր հայ մանուկներին:
Շնորհակալություն…
Եվա Զոհրաբյանը բացում է դերասանական դպրոց
Թուրքիայում զինվшծ անձը hարձակվել է դպրոցի վրա. կա 16 վիրավnր
Սպասվում են ճակատագրական ընտրություններ. հող տալով, ազգը չի կարա լավ ապրի. Արշակ Կարապետյան
Արշակ Կարապետյանի ուղերձը` եզդիական համայնքի Մալակի Տաուսե տոնին
Հակակոռուպցիոն դատարանում այս պահին ընթանում է Ուժեղ Հայաստան կուսակցության Արտաշատի գրասենյակից բեր...
Իշխանության միակ զենքը քվեների փոշիացումն է մնացել
Տիգրանաշենն ունի ռազմավարական դիրք և նշանակություն Հայաստանի համար․ Ավետիք Չալաբյան
«Հայ վիրտուոզներ» ծրագրի կրթաթոշակառուների և «Ծնվել եմ Արցախում» ծրագրի մասնակիցները հանդիպեցին աշխա...
Ամերիկացի ռեփեր Future-ն իր ինստագրամյան էջի սթորի բաժնում հրապարակել է Նիկոլ Փաշինյանի տեսանյութը
Իշխանությունը փորձում է քաղաքական պայքարը փոխարինել շինծու «կաշառքի գործերով» ու վախի մթնոլորտով. Մա...
