Ես Հայաստանից մեկնելու եմ. Գեւորգ Կոստանյան
Ես Հայաստանից մեկնելու եմ, բայց մշտապես երկրից երբեք չեմ գնալու։ Այս մասին այսօր՝ նոյեմբերի 21-ին, ԱԺ–ում լրագրողների հետ զրույցում հայտարարեց Ազգային ժողովի Հանրապետական խմբակցության պատգամավոր, նախկին դատախազ Գեւորգ Կոստանյանը՝ պատասխանելով հարցին, թե, այնուամենայնիվ, հնարավոր է վերջինս մնա եւ իր գործունեությունը շարունակի Հայաստանում։
«Ես Հայաստանից մեկնելու եմ, բայց մշտապես երկրից երբեք չեմ գնալու։ Երկրից ես չեմ կարող կտրվել որեւէ պարագայում։ Առիթ ունեցել եմ ասելու՝ իմ կենսագրության տարբեր ժամանակներում ունեցել եմ հնարավորություն եւ առաջարկներ երկրից դուրս տարբեր միջազգային կառույցներում աշխատելու, բայց մերժման պատճառը եղել է այն, որ ինչ–որ ժամանակահատված ես գտվել եմ դրսում, բայց սա մեր երկիրն է, գալիս է մի պահ, երբ քո որոշումը բարոյական հարթության մեջ է, քան աշխատանքային։ Ես անկեղծ եմ ասում՝ աշխատանքային խնդիր չունեմ»,–հայտնեց պատգամավորը։
Դիտարկմանը ի պատասխան, թե նա ամեն դեպքում խորհրդարանում չէր աշխատելու, Կոստանյանը նկատեց. «Այնպես չէ, որ ես հնարավորություն չունեի նաեւ պառլամենտ մտնելու համար միջոցներ ձեռնարկելու, բայց պառլամենտական գործունեությունը ինձ համար շատ հոգեհարազատ չէ, քանի որ այն այնուամենայնիվ իր մեջ քաղաքական տարրեր է պարունակում, իսկ ես ամեն կերպ խուսափում եմ քաղաքական դրսեւորումների մեջ որեւէ կերպ ներգրավվելուց։ Ես որոշում էի կայացրել, որ ես պառլամենտական գործունեության մեջ երբեւէ ներգրավված չեմ լինելու, առնվազն առաջիկա 5 տարին հաստատ»։
Նախկին դատախազը մանրամասնեց, որ ոլորտը, որում կաշխատի արտասահմանում, մարդու իրավունքների պաշտպանության ոլորտին կառնչվի։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
