Ծառուկյանը մտահոգված է ո՛չ միայն տնտեսության զարգացմամբ, այլև մշակութային ժառանգության պահպանմամբ

Արման Հարոյանը ֆեյսբուքյան իր էջում գրում է.

1869 թվականի փետրվարի 19-ին Ամենայն հայոց բանաստեղծ Հովհաննես Թումանյանը ծնվել է հենց այն տանը, որը հետագայում՝ ծննդյան 70 ամյակին, պետք է դառնար իր տուն-թանգարանը։
Դսեղի պատմամշակութային կյանքը ակտիվ պահող տուն-թանգարանը պատշաճ վերանորոգում ունեցել էր 2002 թվականին, իսկ դրանից հետո տուն-թանգարանը բացիթողի վիճակում էր։ 2019 թվականի փետրվարին մեծ շուքով նշվելու է Թումնայանի ծննդյան 150 ամյանկը։ Այս միջոցառումներին ընթառաջ սեպտեմբեր ամսին, Դսեղ էր այցելել ԲՀԿ առաջնորդ Գագիկ Ծառուկյանը։ Նա ծանոթացավ թանգարանի ղեկավարությանը հուզող հարցերին՝ խոստացավ, որ անձամբ կզբաղվի վերանորոգման հարցերով։
Այդ օրվանից դեռ երկու ամիս էլ չի անցել, բայց վերանորոգված տուն-թանգարանը արդեն պատրաստ է ո՛չ միայն Թումանյանի 150 ամյակի միջոցառումներին, այլև ընդունում է մեծ թվով այցելուներ։ Նույնիսկ տուն-Թանգարանի տնօրենն է զարմացած արձանագրում այցելուների հոսքի ավելացման փաստը։ Դսեղի այցեքարտը դարձած Թումանյանի տուն-թանգարանի աստիճանավանդակը այլևս ոչ մի «ձայն» չի արձակում, երբ հյուրերը բարձրանում են թանգարանի երկրորդ հարկ, այլևս ոչ մի փայտ չի պոկվում պատերից կամ տանիքից։ Հիմա թանգարանը իր հյուրընկալ դռներն է բացում բոլոր այն մարդկանց առաջ, ովքեր հետաքրքրված են 19-րդ դարի լավագույն բանաստեղծներից՝ Թումանյանով, և այս ամենը միայն Գագիկ Ծառուկյանի աչալուրջ աշխատանքի շնորհիվ։ Սեղմ ժամկետներում արված այս հսկայածավալ աշխատանքը վկայում է այն մասին, որ Ծառուկյանը մտահոգված է ո՛չ միայն երկրի տնտեսության զարգացմամբ, այլև մարզերում մշակութային կենտրոնների պահպանմամբ, դրանց մշտադիտարկմամբ, ու անհրաժեշտության դեպքում, դրանց վերանորոգմամբ։
Այսպիսով Գագիկ Ծառուկյանը ևս մեկ անգամ ցույց տվեց, թե ինչպիսին պետք է լինի հայրենանվեր մարդը, ու ինչ է պետք անել, մեր մշակութային ժառանգությունը պահպանելու ու աշխարհին ներկայացնելու համար։