Տխրահռչակ կայքի մոլագար խմբագիրը շարունակում է ստեր հորինել Ծառուկյանի վերաբերյալ

Դավիթ Բերբերյանը ֆեյսբուքյան իր էջում գրում է.

Mamul.am կայքը այսօր մի հրապարակում է կատարել, որտեղ անանուն անձանց որպես հավաստի աղբյուր ներկայացնելով՝ գրել է այն մասին, որ Գագիկ Ծառուկյանը աշխատանքային հերթական շահագործումն է արել։ Արդեն իսկ անանուն աղբյուրների վրա հիմնված նյութը քմծիծաղ առաջացնելուց զատ, անմիջապես փաստում է նաև դրա անլրջության աստիճանի մասին։
Եվ այսպես ՝ վերանշյալ կայքը պարբերաբար ուղեղային փայլատակումներ է ունենում Գագիկ Ծառուկյանի և նրա շուրջ տեղի ունեցող իրադարձությունների վերաբերյալ։ Տևական ժամանակ է, ինչ այս կայքի խմբագրակազմը փորձում է այս կամ այն կերպ գրել ինչ-ինչ աշխատանքային չարաշահումներ մասին՝ դարձյալ որպես հիմնավորում ներկայացնելով պեղումների արդյունքում հայտնաբերված անհայտ անձանց վկայութությունները և առեղծվածային դեպքեր բացահայտելու միտումներով՝ սուտ տեղեկություն տալիս հանրությանը։
Իրականում այս ամենը ունի նախապատմություն։ Վերոնշյալ կայքը իր այս ուղղորդված գոևրծունեությամբ մեկը մյուսի հետևից նման որակի նյութեր հրապարակելուց հետո հայտնվեց դատարանի առջև, քանի որ Գագիկ Ծառուկյանի մամուլի խոսնակին այլ բան չէր մնում, քան դատական հայտ ներկայացնել այս էժանագին ստերով ողողված կայքի ու նրա խմբագրակազմի դեմ։
Հիմա դատական պրոցեսը գտնվում է ընթացքի մեջ և ամենայն հավանականությամբ mamui.am-ը բավականին մեծ տուգանքներ է վճարելու ստահոդ ինֆորմացիայի համար։ Շարունակելով հնարածին նյութեր գրել Գագիկ Ծառուկյանի ն վերաբերյալ՝ թերևս փորձում է իր վիրավորանքն ու քենը արտահայտել դատարանի կողմից արդեն իսկ անխուսափելի պատժին ի պատասխան։
Սակայն այս տխրահռչակ կայքի մոլի ջանքերը Գագիկ Ծառուկյանի ուղղությամբ և նրա շուրջ կեղծ ֆոն ստեղծելն ապարդյուն է, քանի որ ակնհայտ է, որ վերջինիս նպատակն է վարկաբեկել Ծառուկյանի բարի համբավը։
Նման խոսակցություններն անգամ տարրական զրպարտանք են և պետք է կասեցվի ու պատժվի օրենքի ողջ խստությամբ։