Նիկոլ Փաշինյանը ԼՂ հակամարտության լուծման հարցում վճռական է համարում Արցախի և Հայաստանի ժողովրդի դիրքորոշումը
Հայաստանում չի կարող լինել այնպիսի իշխանություն, որն առանց ժողովրդի կարծիքը հաշվի առնելու կարող է լուծել ԼՂ հակամարտության հարցը: «Արմենպրես»-ի հաղորդմամբ` հոկտեմբերի 24-ի ԱԺ հերթական նիստում, որի օրակարգում վարչապետի ընտրության հարցն է, այս մասին ասաց վարչապետի թեկնածու Նիկոլ Փաշինյանն՝ անդրադառնալով պատգամավոր Շիրակ Թորոսյանի հարցին:
«Հայաստանում ոչ մի իշխանություն, նույնիսկ ամենաբռնապետական իշխանությունը, չի կարող Ղարաբաղի հարցը լուծել առանց ժողովրդի կարծիքը հաշվի առնելու: Ժողովրդի կարծիքն է այն վճռական գործոնը, որ պետք է որոշի՝ ձեռնտո՞ւ է ԼՂ հիմնահարցի լուծման այս կամ այն տարբերակը, թե՞ ոչ: Նույնիսկ բանակցային սեղանի շուրջ քննարկվածն էական չէ: Քսան տարի քննարկվել է, ի՞նչ է եղել: Ղարաբաղի հարցի թաքուն լուծում չի կարող լինել»,-վստահեցրեց Նիկոլ Փաշինյանը:
Նա շեշտեց՝ Արցախի ժողովրդի և իշխանությունների դիրքորոշումը վճռական նշանակություն ունի, և սա քմահաճույքի հարց չէ: Նրա կարծիքով՝ հակամարտությունը չի լուծվի, եթե լուծման որևէ տարբերակ չի ընդունվում Արցախի և Հայաստանի ժողովրդի կողմից: Փաշինյանը նշեց՝ հայկական կողմի տեսակետն այն է, որ առանց Արցախի կարգավիճակի ճշգրտման անհնար է պատկերացնել հարցի լուծում:
«Եթե բանակցային գործընթացում ձևավորվի տարբերակ, որը կհամարենք, որ արժի ներկայացնել ժողովրդի քննարկմանը, բնականաբար առաջինը ես դա կանեմ»,- ասաց Փաշինյանը: Նա բացառեց ԼՂ հիմնահարցի «թաքուն» լուծումը: Փաշինյանի կարծիքով՝ քանի դեռ Արցախի իշխանությունները ներգրավված չեն բուն գործընթացում, նշանակում է, որ մենք մոտ չենք հարցի կարգավորմանը:
«Ես չեմ ասել, որ մենք չենք բանակցի, մինչև Արցախի իշխանությունը ներգրավված չլինի: Ես ասել եմ, որ ես լիազորված եմ բանակցել Հայաստանի անունից, սակայն լիազորված չեմ բանակցել Արցախի անունից, քանի որ Արցախի ժողովուրդը չի մասնակցում Հայաստանում իշխանության ձևավորմանը: Բայց դա չի նշանակում, որ ես ասում եմ, որ չպետք է բանակցել»,-ասաց Փաշինյանը:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
