Երիտասարդ մարզային համայնքների խնդիրները ևս Գագիկ Ծառուկյանի ուշադրության կենտրոնում են

Մանե Առաքելյանը ֆեյսբուքյան իր էջում գրում է.

Մի քանի տասնամյակ առաջ՝ Խորհրդային Հայաստանի արդյունաբերական վերելքի տարիներին, հիմնադրվեցին մի շարք քաղաքներ, որոնցում բնակվող ընտանիքներն էլ հենց սպասարկում էին արդյունաբերական ձեռնարկությունները: Այդ քաղաքների թվում էր նաև Նոր Հաճնը, որը կարճ ժամանակահատվածում վերածվեց փոքրիկ, գողտրիկ քաղաքի՝ Հրազդան գետի ափին:
Հաճնը պատմական Կիլիկիայի ծաղկուն քաղաքներից էր, որի հայ բնակչությունը` շուրջ 30.000, հարյուր տարի առաջ տարհանվեց և աքսորվեց դեպի Դեր Զոր, որտեղ նրանց մեծ մասը դաժանաբար կոտորվեց: Տասնամյակներ անց հաստատվեց Նոր Հաճն ավանը, որին 1991թ: շնորհվեց քաղաքի կարգավիճակ՝ վկայելով մեր ժողովրդի վերածնունդը և հավատքով նորոգվող կյանքը:
Եվ ահա այս տարի Նոր Հաճնը նշում է հիմնադրման 60-ամյակը: Քաղաքի տոնի առթիվ հաճնեցիներին շնորհավորելու էր այցելել նաև Նոր Հաճնի պատվավոր քաղաքացի Գագիկ Ծառուկյանը, ով այդ կոչումը պատվով է կրում: Վեց տասնամյակների ընթացքում քաղաքը հասցրել է բազում խոչընդոտներ հաղթահարել, և այդ խնդիրների առջև, բարեբախտաբար, հաճնցիները մենակ չեն եղել, և իրենց երախտագիտությունը հենց քաղաքի բարձագույն կոչումով էլ արտահայտել են:
Մինչև 2015թ. հաճնցիները չունեին նաև աղոթավայր՝ եկեղեցի: Քահանան պատարագը մատուցում էր 1971թ. կառուցված մշակույթի պալատի սենյակներից մեկում, որը ևս անմխիթար վիճակում էր գտնվում: 2015թ. Գագիկ Ծառուկյանի հովանավորությամբ՝ Հաճնում վեր է խոյանում հայկական ճարտարապետական լավագույն ավանդույթներով կառուցված Սուրբ Ամենափրկիչ եկեղեցին: Ցանկացած հավատավոր մարդ կհասկանա, թե ինչ է նշանակում բնակավայրի համար սեփական աղոթատեղի ունենալը: Հաճնցիները սա երբեք չեն մոռանում, և քաղաքի հիմնադրման 60-ամյակի արարողությունների ժամանակ էլ երախտիքի խոսքեր ասելիս կարմիր թելի նման անցնում էր շնորհակալական խոսքը հատկապես եկեղեցու կառուցման համար:
Նոր Հաճնի զարգացման գործում ներդրած զգալի ավանդի և Սուրբ Ամենափրկիչ եկեղեցու կառուցման համար Գագիկ Ծառուկյանն արժանացավ նաև հոբելյանական հուշամեդալի:
Ի դեպ՝ քաղաքի հոբելյանական տոնակատարությունները սկսելուց առաջ հաճնցիները հարգեցին Արայիկ Խանդոյանի և Շառլ Ազնավուրի լուսավոր հիշատակը: Բարի ընթացք մաղթենք և՛ Հաճնին, և՛ քաղաքի զարգացման գործում մեծ ավանդ ունեցած գործիչներին՝ ի դեմս Գագիկ Ծառուկյանի: