ՀՀԿ–ն խաբե՞ց. «Փաստ»
«Փաստ» օրաթերթը գրում է.
Վերջին տասնամյակի բոլոր գործընթացները և հատկապես ձախողումները կապված են իշխող կուսակցության` ՀՀԿ–ի անվան հետ: Ուզենք թե չուզենք, դա այդպես է, երբ մի քաղաքական ուժ, ընտրությունների ելքով ստանձնում է պատասխանատվություն, ամեն ինչ կապվում է այդ ուժի հետ: Այստեղ չենք քննարկում ընտրությունների արդար լինել–չլինելու հանգամանքը: Կա ձևակերպված արդյունք, որի հետ էլ մենք առնչվում ենք: Սարսափելի թվերի հասնող արտագաղթը, տնտեսության ճգնաժամային վիճակը, աճող արտաքին պարտքը, ներքին ցնցումները, անառողջ քաղաքական իրավիճակն այս ամենի արդյունքն են: Նշված շարքի մեջ իր հավասարազոր դերակատարումն ունի ինչպես իշխանությունը, այնպես էլ դրա հետ շաղկապված քրեաօլիգարխիկ համակարգը:
Եթե անգամ մի պահ, մեր լուսավոր երազներում պատկերացնենք, որ իշխանությունը փորձում է ձերբազատվել այդ խավից, ապա դա հնարավոր չէ: Հնարավոր չէ պարզ պատճառաբանությամբ: Իշխանությունն է ստեղծել նրանց և մեծապես շաղկապված է այդ խավի հետ: Իսկ այդ կապն արտացոլվում է ինչպես ֆինանսական ու տնտեսական փոխշահավետ գործարքներով, այնպես էլ քաղաքական վերարտադրման պարտադիր հիմքերով: Այսինքն ` այդ նույն համակարգի ներկայացուցիչներն են մեծ մասամբ օգնում իշխանությանը վերարտադրվել և նորից դառնալ քաղաքական մեծամասնություն:
Վարչապետի փոփոխությունը, այսինքն, ցիվիլ անձի ներառումը քաղաքական գործընթացների մեջ, հանրության մի զգալի մասի մոտ հույսեր արթնացրեցին առ այն, որ իշխանությունը փոխվելու քաղաքական կամք է փորձում դրսևորել: Սակայն պետք է հիշել, որ իշխանությունը անձ չէ, այլ համակարգային իրողություն: Մեկ անհատը որքան էլ փորձի, չի կարող փոխել այդ ամբողջական համակարգը, որը տարիների հիվանդ մոտեցման արդյունք է:
Այնուհետ, մինչ ընտրական թիմերում ներառված թեկնածուների անունների հրապարակումը, ՀՀԿ–ն տարբեր միջոցներով, հատկապես իրեն սպասարկող լրատվականներով և կայքերով, հանրությանը փորձում էր գցել մոլորության մեջ, համոզելով, որ այս անգամ, ՀՀԿ ցուցակում մականունավորներ և թաղային հեղինակություններ չեն լինելու: Ավելին` ՀՀԿ–ն գնում է ընտրությունների թարմացված կազմով: Սակայն ցուցակների հրապարակումն ամեն ինչ իր տեղը դրեց: Հերթական անգամ ապացուցվեց կաշվի հետ կապված ժողովրդական իմաստության ճշմարտացիությունը: Թերևս միայն մնում է զարմանալ վարդագույն ակնոցներով հավատացողներին, թե ի՞նչ հիմքերով էին նրանք զուր հույսեր փայփայում: Եթե հանենք վարչական ռեսուրսը և վերոնշյալ համակարգի ներկայացուցիչներին, շատ հանգիստ կարող ենք ասել, որ իշխող կուսակցությունն ունի զրոյից ցածր ռեյտինգ: Այդ պայմաններում, հասարակության լիակատար անվստահության մթնոլորտում, ինչպե՞ս կարող էր իշխող կուսակցությունը գնալ նման փորձության:
Հիմա թերևս լրջագույնի մասին: Եկող ընտրությունները ծանր բեռ են դառնալու հենց իշխող կուսակցության համար: Իսկ բեռ են դառնալու, որովհետև նույն ընտրատարածքում առաջադրված հհկական ռեյտինգային թեկնածուների մեջ լինելու է շահերի բախում: Դա արդեն ակնհայտ է: Շատ հավանական է, որ չվերահսկվող տեղամասերում, ընտրությունները կեղծվեն տարբեր խմբերի կողմից, և այն էլ, մի քանի անգամ: Իսկ այստեղ, հօդս կցնդի արդար ընտրությունների մասին միֆն ընդհանրապես: Դե ինչպես ասում են ` ճաշը եփել եք, ինքներդ էլ կերեք:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
