Մարդ, ով պետության և ժողովրդի շահը գերադասում է անձնականից
Արման Հարոյանը ֆեյսբուքյան իր էջում գրում է.
ՀՀ-ում քաղաքական գործիչներ՝ ինչ խոսք, շատ կան։ Ոմանք ձևանում են ժողովրդասեր, ոմանք իրենց խոսքով ազդում են ժողովրդի գիտակցության վրա, բայց կա մեկը, ով անխոս, լուռ իր մարդահաճո ու ժողովրդամետ գործն է անում։ Շատ դեպքերում նույնիսկ անձնական շահը մի կողմ թողնելով, փորձում է ժողովրդի շահն առաջ տանել։ Կարծում եմ, որ ընթերցողը արդեն գիտի, թե ում մասին է խոսքը։
Գագիկ Ծառուկյանը 2004 թվականից ղեկավարում է «Բարգավաճ Հայաստան» կուսակցությունը, որը վստահ կարող եմ փաստել, որ ամենակայունն է եղել, նույնիսկ հիմա, Նոր Հայաստանում է այս կուսակցությունն ամենակայունը, որովհետև դրա առաջնորդը ժողովրդի շահը գերադասում է անձնական շահից։
Հոկտեմբերի սկիզբը աղմկոտ էր, քաղաքական դաշտը փոթորկվում էր, ու հենց այս ժամանակ շատ քաղաքական ուժեր, քաղաքագետներ ու լրտավականներ, փորձեցին «ազատվել» ԲՀԿ-ից։ Քաղաքական ուժերից որոշները գնացին նման քայլի, որովհետև հույս ունեին զբաղեցնել այս կուսակցության տեղը ԱԺ-ում։ Այդ հույսը ապրեց այնքան ժամանակ, մինչև որ Ծառուկյանը հարցազրույց ունեցավ, ու պարզաբանեց մի շարք խոսակցոություններն այն մասին, որ ԲՀԿ-ն դեմ է արտահերթ ընտրություններին։ Պարզվեց, որ ոչ միայն դեմ չէ, այլև բազմաթիվ եղանակներ է առաջարկում, այն անցկացնելու համար, թե որ ամսին, դա արդեն էական չէ, կարևորը պատշաճ կերպով, փոփոխված ԸՕ-ով, «մաքուր» ընտրացուցակներով ու նոր տեխնիկական միջոցների ներդրմամբ։
Ծառուկյանը, ով միշտ ՀՀ քաղաքացու կողքին է եղել, այս մի քանի ամիսների ընթացքում հասցրել է հարյուրավոր միլեոնների ներդրումներ բերել Հայաստան, զարգացնել ՏՏ ոլորտը, էլ չեմ խոսում այն մասին, թե ապագայում այդ ներդրումները քանիսով կբազմապատկեն, հենց միայն Ծառուկյանին վստահող ներդրողների շնորհիվ։
Տարիների փորձն ու շատ հաճախ երկրում տիրող ոչ բարենպաստ քաղաքական եղանակները ոչ մի բացասական ազդեցություն չեն թողել այս քաղաքական ուժի, ու դրա ղեկավարի վրա, ավելին, նա ավելի բուռն գործունեություն է ծավալում, Դսեղում՝ Թումանյանի տուն թանգարանի վերանորոգումը, Հաղպատի եկեղեցու վերանորոգումը, Կոտայքի մարզի Մաքրավանք եկեղեցու հիմնանորոգումը ասվածի վառ ապացույցներն են։
Թե ինչպես կանցնեն արտահերթ խորհրդարանական ընտրությունները, իհարկե պարզ չէ, բայց կա մի ակնհայտ ճշմարտություն ԲՀԿ-ն կստանա իր քվեն, ու քաղաքական դաշտում կզբաղեցնի իրեն արժանի տեղը։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
