«Սուրճի բաժակի» շուրջ ծավալված խոսակցությունները կայքում որպես իրականություն ներկայացնելը լուրջ չէ

Կարեն Հակոբյանը ֆեյսբուքյան իր էջում գրում է.

Երևանի ավագանու ընտրություների հետընտրական պրցեսը շարունակվում է մնալ լրատվական կայքերից մեկի՝ mamul.am կայքի ուշադրության կենտրոնում, որի խմբագրությունն ամեն կերպ փորձում է ինչ-որ պատմություններ կապել ԲՀԿ-ի և այդ քաղաքական ուժի առաջնորդ Գագիկ Ծառուկյանի անվան հետ:

Մասնավորապես այդ առումով օբյեկտիվգնահատական սպասել այս կայքից չի կարելի, քանզի սա առաջին դեպքը չէ, երբ կայքը ինչ-որ անհասկանալի և չհիմնավորված խոսակցություններ էր տարածում նույն Ծառուկյանի անվան շուրջ, որոնք ասեկոսեների ժանրից էին և չունեին փաստացի ապացույցներ: Ինևէ հերթական անգամ, կայքի հավաստամամբ, իբր թե իրենց խմբագրություն են դիմել քաղաքացիներ, ովքեր իրենց գրածի համաձայն «քցվել» են ԲՀԿ-ի կողմից և քարոզարշավին աշխատելու դիմաց չեն վճարվել: Աբսուրդն այն աստիճանի հասավ, որ տվյալ հրապարակմանն անմիջապես հաջորդեց մեկ այլ նույնաբովանդակ հրապարակում, որը նախորդից տարբերվում էր միայն վերնագրով:

Ինչևէ այս կապակցությամբ անգամ ԲՀԿ պատգամավոր Սերգեյ Բագրատյանը հանդես եկավ հայտարարությամբ, որ այդ խնդիրը ամբողջությամբ իրավապահների տիրույթում է և եթե խախտվել է աշխատանքային պայմանագրի որևէ կետ, առավելևս ֆինանսական պարտավորվածության առումով, ապա նա անձամբ կմիջամտի, որոպեսզի մեղավորներին պատասխանատվության ենթարկեն:

Բացի այդ, նման էժանագին թեմաներ արծարծելիս, առնվազն տարակուսելի է և ոչ տրամաբանական՝ շահարկել ղեկավարի՝ այս դեպքում Գագիկ Ծառուկյանի անունը, քանի որ յուարաքանչյուր վարչական շրջան ունի իր շտաբն ու ղեկավարը և եթե խնդիր կա, հենց նրա անվան հետ էլ պետք է կապվեն այս խոսակցությունները, իսկ եթե ոչ, դա հենց առիթ է տալիս մտածելու, որ սա ուղղորդված, պատվիրված հոդված է, որն ունի միտում ցեխ շպրտել ԲՀԿ-ի և նրա առաջնորդի ուղղությամբ: Նմանատիպ լրագրողական կեղտոտ տեխնոլոգիաները վաղուց սպառել են իրենց և հասնել ցանկալի արդյունքի՝ ուղղակի շահարկելով հայտնի և հարգված մարդու անունը, այլևս հնարավոր չէ, ասենք ավելին, դա բումերանգի էֆեկտով անդրադաանալու է հենց կայքի առանց այդ էլ նման գործելաոճի պատճառով բավականին ցածրացած վարկանիշին: