Գագիկ Ծառուկյանը բռնցքամարտի ֆեդերացիայում առկա խնդրին արդարացի և օրինական լուծում խոստացավ
Տիգրան Մխիթարյանը ֆեյսբուքյան իր էջում գրում է.
Հայկական բռնցքամարտի ներկայացուցիչները հանդիպել են ՀԱՕԿ նախագահ Գագիկ Ծառուկյանի հետ՝ ֆեդերացիայի ներկայիս խնդիրների լուծման ակնկալիքով։ Հանդիպման առանցքային հարցը օգոստոսի 4-ին տեղի ունեցած ֆեդերացիայի նախագահի ընտրություններն են, որի արդյունքներից դժգոհ են ֆեդերացիայի գերակշիռ մասը։
Դժգոհության հիմնական պատճառն այն է, որ ընտրություններն անցկացվել են մի շարք նորմերի ակնհայտ խախտումներով. ընտրությանը չեն մասնակցել բռնցքամարտում իրենց ուրույն տեղն ունեցող մարզիչներ ու մարզիկներ, փոխարենը ինչպես ասում են ֆեդերացիայի անդամները ՝մասնակցել են «պատահական» մարդիկ, բացի այդ խախտվել է նաև ընտրության կարգը և փակ քվեարկության փոխարեն անցկացվել է բաց քվեարկություն։
Գագիկ Ծառուկյանը ծանոթանալով ֆեդերացիայի խնդիրներին, խնդրեց մեկ շաբաթ ժամանակ՝ խնդրին ծանոթանալու և արդարացի լուծումներ գտնելու համար։ ՀԱՕԿ նախագահը խոստացավ ստեղծել նոր ֆեդերացիա, որտեղ կանցկացվեն արդար ընտրություններ և ընտրելու իրենց իրավունքից կօգտվեն բոլորը։ Իրավական տեսանկյունից ֆեդերացիան պետք է հաստատվի ՀԱՕԿ-ի կողմից, որից հետո միայն այն կճանաչվի AIBA-ի կողմից, բայց քանի որ ստեղծված տարակարծության պայմաններում դա ուղղակի անհնար է, նոր ընտրությունների կազմակերպումը արդարացված է և պահանջված բոլորի կողմից։
Ֆեդերացիայի անդամները հայտնեցին իրենց վստահությունն ու հավատը ՝ՀԱՕԿ նախագահ Գագիկ Ծառուկյանի կողմից խնդրին անդրադառնալու և ճիշտ լուծումներ գտնելու հարցում, իսկ նախագահը խոստացավ, որ լրջորեն կզբաղվի հարցով և նոր ընտրությունները կկազմակերպվեն արդար ու թափանցիկ։ Ֆեդերացիայի անդամները նշեցին, որ իրենք էլ ցանկանում են ունենալ նոր ֆեդերացիա, որը կճանաչվի ՀԱՕԿ-ի կողմից:
Բռնցքամարտի ֆեդերացիայում առկա բազմաթիվ խնդիրներ մշտապես Գագիկ Ծառուկյանի ուշադրության կենտրոնում են եղել և վստահ եմ, որ այս խնդրի լուծումը նույնպես արագորեն կտրվի նրա կողմից։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
