«Մութ սենյակում սև կատու փնտրելու» հատուկ օպերացիա
Սևակ Ասլանյանը ֆեյսբուքյան իր էջում գրում է.
Հայաստանում քաղաքական իրավիճակը տևական ժամանակ է, շիկացած է: Այս կոնտեքստում ցանկացած իրադարձություն ստանում է կամ դրան վերագրվում է քաղաքական երանգավորում:
Հասարակությունը պարբերաբար տեղեկանում է, որ այս կամ այն քաղաքական գործիչը կամ պաշտոնյան ձերբակալվել է: Սա վտանգավոր իրավիճակ է, քանզի իր մեջ պարունակում է «թացը չորի հետ խառնելու» միտում:
Ժամեր շարունակ շարքային քաղաքացուց մինչև քաղաքական մտքի ներկայացուցիչներ քննարկում էին քննչական կոմիտեի երեկվա տարածած հաղորդագրությունը՝ Գագիկ Ծառուկյանի անվտանգության պետ Էդուարդ Բաբայանի ձերբակալության մասին: Նման իրավիճակներում միշտ գտնվում են անբարեխիղճ լրատվականներ և մասնագետներ, ովքեր անմիջապես սկսեցին «մութ սենյակում կատու փնտրելու» հատուկ օպերացիան՝ չխնայելով ծայրահեղական գնահատականները: Մի դեպքում նրանք շտապում էին Ծառուկյանին հեռացնել քաղաքականությունից, մի այլ դեպքում վարկանիշ իջեցնելու հստակ խնդիր էր դրված:
Տեսանյութը, որում Գագիկ Ծառուկյանը և Հարությունովը հանգիստ զրուցում են, և որում Ծառուկյանը խոստանում է օժանդակել վերջինիս որդուն, որոշակիորեն լույս սփռեց իրականության վրա, իսկ ահա ավելի ուշ, երբ «տուժողի» կինը և նա անձամբ հերքեցին տարածվածը, վեր հանեց իրադարձությունները կամայականորեն մեկնաբանելու և այս չնչին միջադեպը ավելի լուրջ հարթակներ տեղափոխելու որոշ լրատվականների և փորձագետների մեղմ ասած ոչ պրոֆեսիոնալ մոտեցումը:
Գագիկ Ծառուկյանը երկար տարիների իր գործունեությամբ վաստակել է ժողովրդի հարգանքը և վստահությունը, և այն մի րոպեում փորձել ջուրը լցնել, առնվազն ազնիվ չէ, իսկ առավելագույնը՝ անհնար է: Նա իր էությամբ նվիրված է հայ ժողովրդին և, մասնավորապես, հայկական սպորտին: Հայաստանի վերջին տարիների սպորտային հիմնական հաջողությունները կապված են Գագիկ Ծառուկյանի անվան հետ , ով իր անձնական գումարներով բառի բուն իմաստով զարգացրեց հայկական սպորտը: Հասարակությունը վաղուց է համոզվել նրա խոսքի և գործի համապատասխանության մեջ:
Իսկ ահա ինչ վերաբերում է Է.Բաբայանի ձերբակալմանը, ապա այն ոչ իրավաչափ է, քանզի առկա չէ դատաբժշկական փորձաքննություն: Ձերբակալության համար իրավական հիմքեր պարզապես չկան, և Է. Բաբայանը օրենքի սահմաններում ազատ կարձակվի: Պետք չէ կենցաղային միջադեպից մի ողջ քաղաքական իրավիճակ կերտել:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
