Այլոց վիշտը՝ սեփական քաղաքական նկրտումներին հագուրդ տալու միջոց
Կարեն Հակոբյանը ֆեյսբուքյան իր էջում գրում է.
Նախորդ իշխանությունների վարած քաղաքականությունից դժգոհ և նրանց կողմից տարիներ շարունակ կեղեքված սյունեցիները, վերջապես ունեն հնարավորություն ծննդավայրում դրական փոփոխություններ իրականացնելու և արժանապատիվ կյանքով ապրելու համար:
Սակայն ի զարմանս ստեղծված բարենպաստ իրավիճակի, մարզում կարծես թե հայտնվել է «առնետների» մի խումբ, որոնք փորձում են սեփական շահը վեհ դասել համընդհանուրի շահից և արհեստական լարվածություն գցել մարզային իշխանական մարմինների և հարգված մարդկանց միջև: Ահա և այս համատեքստում էլ օրեր առաջ, ինչ-որ կեղծ ֆեյսբուքյան էջում, կեղծ տեղեկատվություն հրապարակվեց, որի նպատակն էր փչացնել մարզպետի և սյունեցիների կողմից հարգված, նախկին պատգամավոր Մերուժան Սիմոնյանի հարաբերությունները: Բնականաբար պարզ է, թե որտեղից է փչում այս քամին, անգամ անդրադառնալու կարիք էլ չէր լինի, եթե տվյալ անբարոյականները, փորձ չանեին մարդկանց վիշտը սեփական քաղաքական նկրտումներին հագուրդ տալու միջոց ծառայեցնել: Դեռ սա հերիք չի, լրատվականներից մեկն էլ, այս կեղծ և անբարո գործելաոճին շարունակականություն է հաղորդում և հանդես է գալիս սեփական հրապարակումով, որն ըստ էության նույն ապատեղեկատվություններ էր սակայն ավելի խիտ երանգավորմամբ: Շատ է խոսվել այն մասին, որ անկախ քաղաքական իրավիճակից և պայքարի ձևաչափից, անընդունելի է երբ դրան զուգահեռ նաև անձնական դաշտ է տեղափոխվում այդ պայքարը: Իրականում հունիսի 23-ին Մերուժան Սիմոնյանի հոր մահվան տարելիցն էր և բազմաթիվ մարդիկ, տարբեր ծայրերից ժամանել էին ընտանիքին զորակցություն հայտնելու և վիշտը կիսելու համար, իսկ որոշ ստորներ, այդ ամենը քաջ գիտենալով, փորձում են այդ իրադարձությանը քաղաքական երանգավորում տալ: Չենք էլ ուզում մանրամասնել, թե իրականում ինչպիսի ստերի շարան էր գրված այդ հրապարակման մեջ, որովեհտև դա բացարձակ չի համապատասխանում իրականությանը: Դե հիմա ընթերցողը թող ինքը որոշի, թե ինչ անուն տալ «առնետների» այն խմբին, ովքեր սեփական մարզում արհեստական տարաձայնություններ սրելուց բացի, դեռ մի բան էլ նման անբարոյականին վայել քայլի են դիմում: Եվ քանի որ այս՝ տեղեկատվական տեխնոլոգիաների զարգացվածության պարագայում, շատ հեշտ է մարդկանց կեղծ տեղեկատվությամբ ապակողմնորոշելը, մենք կներկայացնենք նա այն ֆեյսբուքյան էջերն ու կայքը, որոնք փորձում են սյունեցիների մեջ կռիվ գցել և ինչ-որ խմբակային, նեղ անձնական շահ առաջ տանել: Չի ստացվելու տարանջատել սյունեցուն սյունեցուց, իսկ նմանատիպ անմակարդակ և էժանագին գործելաոճն ու գործիքակազմը արդեն իսկ սպառել է իրեն, դրանով այլևս ցանկալի արդյունքի հասնել հնարավոր չի լինելու:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
