«Հայոց Աշխարհ» թերթի գլխավոր խմբագիրը ինքը ստուգման թիրախ պետք է դառնա
Գուրգեն Սարգսյանը ֆեյսբուքյան իր էջում գրում է.
«Հայոց Աշխարհ» թերթը այսօր անդրադարձել է ԲԷՑ-երի թեմային, սակայն առանձնահատուկ կերպով։ Այն, որ ԲԷՑ-երի թեման այսօր թոփ թեմա է, դա հասկանալի է, քանի որ խոսքը գնում է հանրապետության էներգետիկ համակարգի կարևորագուն ճյուղերից մեկի մասին, և դրա պետականացումը անշուշտ կարևոր իրադարձություն է։
Սակայն թեման թեմա չէր լինի, եթե մի շարք լրատվամիջոցներ դրա տակ չփորձեին որոշակի «նյուանսներ» մտցնել, մասնավորապես այն, որ ԲԷՑ-երը «վերցրել են» Տաշիր ընկերության ձեռքից, որպեսզի «տան» Գագիկ Ծառուկյանին։ Այդ լրատվամիջոցների թվում է նաև «Հայոց աշխարհ» օրաթերթը, որը այս թեման շրջանառելուց բացի վերջում, հետևելով մի շարք այլ լրատվամիջոցների օրինակին, վերջում խոսում է նաև Գագիկ Ծառուկյանի ընկերություններում ստուգումների արդեն չարչրկված թեմայի մասին, մի բան, որը օրեր շարունակ հրահանգված շրջանառում են մի շարք ֆեյքեր և լրատվամիջոցներ։
Իհարկե նման բան մոգոնելու համար պետք է կա՛մ մեծ ֆանտազիայի տեր լինել, կա՛մ սովորական հիմար։ «Հայոց աշխարհ»-ի գլխավոր խմբագիր Գագիկ Մկրտչայնի դեպքում հաստատ գործել է երկրորդ տարբերակը, քանի որ անգամ մեծ ջանքերի դեպքում անհնար է նրան համարել մեծ երևակայության տեր։
Իրական ստուգումների պետք է ենթարկվի հենց ինքը՝ «Հայոց աշխարհ» թերթի գլխավոր խմբագիր Գագիկ Մկրտչյանը, քանի որ նա Հայաստանի թաքնված փողատերերից է, մարդ, ով իր լրատվամիջոցը ծառայեցրել է բացառապես փող աշխատելու մոլուցքին, մարդ ով հարստանում է թերթի աշխատակիցների աշխատավարձերի, դրանք կրճատելու կամ մշտապես ուշացումով տալու հաշվին։ Ավելին, այս տխրահռչակ անձը հայտնի է նաև նրանով, որ իր թերթից հեռացրել է լրագրողների միայն քաղաքական հայացքների պատճառներով, և անգամ չի էլ հերքել դա, այսպիսով ապացուցելով, որ իր լրատվամիջոցը ոչ թե անկախ կառույց է, ինչպիսին պետք է լինի իսկական զլմ-ն, այլ այս կամ այն կենտրոնի քաղաքական շահերը սպասարկող «կանտորա», որտեղ այլ հայացքներ ունեցող անձանց ներկայութjունը արգելված է։
Եվ այսքանից հետո այս մարդն է խոսում ստուգումների մասին, երբ հենց ինքն իր գործունեությամբ տեղով ստուգումների թիրախ է։
Հասկանալի է, որ Գագիկ Ծառուկյանի անունը վերջին օրերին շրաջանառվում է հստակ պատվերի շրջանակներում, սակայն պետք է գոնե մի քիչ գրագետ գործել՝ այդ պատվերը չմատնելու համար, այլապես ՀՀԿամերձ ֆեյքերն ու լրատվամիջոցները այնքան անզգույշ են աշխատում, որ ոչ միայն մատնում են իրենց ողջ շղթան, այլ նաև պատվիրատուներին։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
