Արտակ Թովմասյանը Պլեխանովի անվան համալսարանում կրիպտոարժույթների մասին դասախոսություն կարդաց (տեսանյութ, լուսանկարներ)
Այսօր՝ մայիսի 25-ին, Գ․Վ․ Պլեխանովի անվան ռուսաստանյան տնտեսագիտական համալսարանի երևանյան մասնաճյուղի հյուրն էր Համալսարանի հոգաբարձուների խորհրդի անդամ, «Թովմասյան» հիմնադրամի նախագահ, գործարար Արտակ Թովմասյանը:
Վերջինս ուսանողների համար հանդես եկավ բիթքոինի, բլոկչեինի և կրիպտոարժույթի վերաբերյալ դասախոսությամբ:
Ուսանողների հետ հանդիպմանը ներկա էին նաև Հոգաբարձուների խորհրդի նախագահ Արման Վարդանյանը, համալսարանի տնօրեն՝ պ.գ.թ. Թամարա Վարդանյանը, դասախոսական անձնակազմի ներկայացուցիչներ:
Դասախոսության ընթացքում Արտակ Թովմասյանն ընդգծեց՝ վիրտուալ արժույթը գրավում է աշխարհը և արդեն հետաքրքրություն է առաջացրել նաև Հայաստանում՝ վիրտուալ արժույթով ներդրումներ կատարելու, բիզնես ձեռնարկելու, օնլայն գումարներ շրջանառելու և առքուվաճառք իրականացնելու առումով:
Նա ներկայացրեց, թե ինչ է կրիպտոարժույթը՝ նշելով, որ այն թվային արժույթ է, որը պաշտպանվում է կրիպտոգրաֆիկական տեխնոլոգիաներով: Նրա խոսքով՝ նոր տեխնոլոգիան հավակնում է հեղաշրջում իրականացնել ֆինանսական շուկաներում և դրդում է ՏՏ ոլորտի մասնագետներին՝ զբաղվել օնլայն փողի արտադրությամբ: Արտակ Թովմասյանը նշեց նաև՝ կրիպտոարժույթը գոյություն ունի վիրտուալ աշխարհում, սակայն դրա ֆիզիկական դրամական միավորը, որպես այդպիսին, գոյություն չունի:
«Բիթքոին ստեղծելու համար պարզապես հարկավոր է համակարգիչը միացնել համացանցին, այնուհետև ներբեռնել մայնինգ ծրագիրը, այսինքն՝ դառնալ «հանքափոր» և բարդ մաթեմատիկական խնդիրներ լուծելով, դրա դիմաց ստանալ միավոր՝ բիթքոին: Տեխնոլոգիայի առավելությունն այն է, որ փոխանցման ժամանակ չեն նշվում տվյալներ, ինչպես նաև այլ երկրում գտնվող ծանոթներին բիթքոիններ փոխանցելու համար միջնորդավճար չի գանձում»,- ասաց Արտակ Թովմասյանը:
Արտակ Թովմասյանը ներկաների ուշադրությանը ներկայացրեց all.me նոր և բացառիկ նախագիծ՝ սոցիալական ցանցերի աշխարհում, որտեղ ակտիվ օգտատերերը հնարավորություն ունեն նաև գումարներ աշխատել իրենց ակտիվության շնորհիվ:
Նշենք նաև՝ դասախոսության ավարտին Արտակ Թովմասյանը հավաստագրեր հանձնեց արտալսարանային ակտիվություն ցուցաբերած մի խումբ ուսանողների:
Առավել մանրամասն՝ տեսանյութում:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
