Բազմաթիվ Էջմիածնեցիներիս հուշերում, որպես Սերժի համակարգի վերակացու, նշմարվեց Մանվել Գրիգորյանը. բաց նամակ՝ վարչապետին
Աշխարհում ապրող մի խումբ էջմիածնեցիներ բաց նամակ են հղել վարչապետ Նիկոլ Փաշինյանին: Նամակում, մասնավորապես, ասված է.
«Հարգելի պարոն Փաշինյան,
Աշխարհիս երեսին սփռված բազմաթիվ Էջմիածնեցիներս ժողովրդական այս պայքարի ընթացքում նույնպես «Մերժեցինք Սերժին»։
Մերժեցինք ոչ թե Սերժի անձն, այլ մերժեցինք Սերժի համակարգը, և յուրաքանչյուրս մերժեցինք նրա կերպարը մեր պատկերացումներում, յուրաքանչյուրիս քաղաքում ու մարզում նրա համակարգը մարմնավորողին, ազգիս տականքին, կեղեքողին ու անարգողին։
Այս օրերին յուրաքանչյուրս հիշեցինք մեզ տնից, հողից ու ջրից վտարանդի դարձրած հրեշին։
Եվ բազմաթիվ Էջմիածնեցիներիս հուշերում, որպես Սերժի համակարգի վերակացու նշմարվեց Մանվել Գրիգորյանը, ով ավելի քան երկու տասնամյակ վտարանդի դարձրեց մի ողջ քաղաքի ազգաբնակչության։
Բազմաթիվ են սփյուռքի տարբեր հատվածներում Սերժի համակարգի կերպարը մարմնավորող հրեշից վտարանդի դարձաց Էջմիածնեցիները, այս օրերին շատերը փափագ էին անում վերադառնալ իրենց հողին ու ջրին, վերանորոգելու անտեր մնացած տունը, բայց պարզվում է Սերժի համակարգի այս ներկայացուցիչները շատ արագ կարող են ուրանալ նաև իրենց քաղաքական հայրերին, և նորովի, բայց ոչ մաքրված, այլ ուրիշ շապիկով շարունակել իրենց բնականոն սև գործը։
Հարգելի պարոն վարչապետ,
Մենք Մերժեցինք Սերժին, որ վերանա այդ համակարգը, որ կարողանանք դառնալ մեր տները, ուստի հուսով ենք, որ այս անձինք Ձեր միջնորդությամբ կհեռանան մեր քաղաքից, իրենց հետ տանելով փակված փողոցների արգելքները, անարգված և թալանված մարդկանց հուշերը ։
Այլապես մեզ անհասկանալի է, թե ինչն ակամայից մերժեցինք:
Հարգանքով՝ Աշխարհասփյուռ Էջմիածնեցիներ՝
Բելգիայից
Ֆրանսիայից,
Իսպանիայից
Հոլանդիայից
Գերմանիայից
Շվեդիայից
Իտալիայից
Միացյալ Նահանգներից
Ռուսաստանից
Ուկրաինայից
Լեհաստանից
Բելառուսից»:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
