Կոչ ենք անում զերծ մնալ անհիմն հետևություններից․ Դրանք նմանվում են սադրանքների
Սմբատ Ավագյանը ֆեյսբուքյան իր էջում գրում է՝
Երեկ տեղեկություն տարածվեց, որ այսօր Գագիկ Ծառուկյանը հանդես կգա հայտարարությամբ։ Այս տեղեկությունը, որն ընդամենը իրազեկում էր ՀՀ քաղաքացիներին, լրատվամիջոցներին և քաղաքական ուժերին Ծառուկյանի սպասվող հայտարարության մասին, արդեն հասցրել է դառնալ սոցցանցերում և լրատվադաշտում ամենաքննարկվող թեման։ Բնականաբար թեման զերծ չի մնացել տարբեր տեսակի շահարկումներից, հեռուն գնացող ենթադրություններից, անհիմն վերլուծություններից և այլն, և սա այն դեպքում, երբ հայտարարությունը դեռ չկա։
Երեկ այս թեմայով արտահայտվել են «Ծառուկյան» դաշինքի մի շարք պատգամավորներ, նշելով, որ Գագիկ Ծառուկյանը շատ լավ տիրապետում է ՀՀ-ում առկա խնդիրներին և դրանց լուծման ուղիներին, ապրիլյան ընտրութուններին առաջարկել է ստեղծված ծանր տնտեսական իրավիճակից դուրս գալու ելքեր և, բնականաբար, շատ լավ վարչապետի թեկնածու է։
Բնականաբար, «Ծառուկյան» դաշինքի պատգամավորները, լինելով քաղաքական թիմի անդամ, վարչապետի պաշտոնում պետք է տեսնեն Գագիկ Ծառուկյանին։ Սա ոչ միայն տրամաբանական է, այլ նաև քաղաքականապես հիմնավորված և արդարացված։ Թերևս անհնար է գտնել որևէ կուսակցություն, որի կուսակիցը կուսակցության ղեկավարին չտեսնի պետության բարձրագույն պաշտոններում։ Բացի պատգամավորները Գագիկ Ծառուկյանը մեծ աշխատանք է կատարել և ունի հետագիծ, ունի համակիրների հսկայական բանակ, ովքեր նույնպես նրան կարող են տեսնել այդ պաշտոնում, ինչը նույնպես բնական է, քանի որ վերջին համապետական ընտրություններում Ծառուկյանի գլխավորած քաղաքական դաշինքը հավաքել է մոտ 430 հազար քվե։
Սակայն, հաշվի առնելով թե՛ պատգամավորների հարցազրույցները, թե՛ համակիրների ցանկությունները, յուրաքանչյուրի համար միանգամայն պարզ է, որ դրանք ընդամենը անձնական կարծիքներ են, որոնք նախորդում են հայտարարությանը։
Հայտարարությունը չեղած՝ վարկածներ շրջանառել, վերլուծություններ գրել, որ Գագիկ Ծառուկյանը պատրաստվում է առաջադրվել որպես ՀՀ վարչապետի թեկնածու, ոչ միայն անհիմն է, այլ նաև քաղաքականապես ոչ կոռեկտ, քանի որ առայսօր չի եղել նման ակնարկ անգամ։ Մասնավոր կարծիքների հիման վրա նման հետևություններ անելը քաղաքական տգիտություն է, որն ավելի է լարում առանց այն էլ լարված հասարակական-քաղաքական իրավիճակը։
Այդ առթիվ ևս մեկ անգամ կոչ ենք անում զերծ մնալ անհիմն հետևություններ անելուց և տարածելուց, զինվել համբերությամբ և սպասել պաշտոնական հայտարարությանը, որը կտա բոլոր հարցերի պատասխանը։ Հակառակ պահվածքը արդեն նմանվում է բացահայտ սադրանքի և ավելի է վնասում ստեղծված իրավիճակին։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
