Հրաժարականի դիմումի տրամաբանական շարունակությունը կուսակցության ղեկավարի պոստը լքելն է

Ազգային ժողովի Հանրապետական խմբակցության պատգամավոր Խոսրով Հարությունյանը նշում է, որ իրենք ցանկացած քննարկման համար բաց են և պատրաստվում են առանց որևէ նախապայմանի քննարկել առաջադրվող հարցերը։

Այս մասին այսօր Ազգային ժողովում լրագրողների հետ զրույցում ասաց Հարությունյանը՝ ընդգծելով, որ Սերժ Սարգսյանը բոլոր քաղաքական ուժերին հրավիրել է քաղաքական կոնսուլտացիաների, ինչը շատ կարևոր է․

«Մենք պատրաստ ենք բանակցելու: Բանակցելու ընթացքում կգանք ընդհանուր մոտեցումների: Այս իրավիճակից պետք է դուրս գանք առանց մեծ կորուստների: Մեր պայմանավորվածություններն այդպես են, ուրիշ նախապայմաններ չունենք: Որեւէ նախապայման չունենալ ասելով՝ նկատի ունենք, որ բանակցությունների գալիս ենք առանց պայմանների»,- ասաց պատգամավորը։

Անդրադառնալով Սերժ Սարգսյանի հրաժարականին՝ պատգամավորը նշեց․ «Ակնհայտ էր մի բան, որ հանրության մի ստվար զանգված դեմ էր նրա վարչապետ լինելուն, որպեսզի խուսափի հետագա զարգացումներից, հրաժարական է տվել: Ես սա գնահատում եմ պատասխանատու քայլ»,- ասաց նա։

Խոսրով Հարությունյանը տրամաբանական քայլ որակեց նաև Սերժ Սարգսյանի՝ ՀՀԿ-ի ղեկավարից հրաժարվելու հնարավոր քայլը․ «ես կարծում եմ՝ այս հրաժարականի տրամաբանական շարունակությունն է լինելու»,-ասաց նա։

Այս թեմայով Արա Պապյան. «Եթե ՀՅԴ-ն չինքնամաքրվի, հաջորդ ընտրություններից հետո խորհրդարանում չի լինի». «Փաստ» «Արցախի մասնակցությունը բանակցություններին՝ ինքնորոշման իրավունքի իրացում». Էմիլ Օրդուխանյան. «Փաստ» Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում