Ինչու՞ է Դավիթ Թադևոսյանն ընտանիքի հետ ԱՄՆ մեկնում..Դերասանը մանրամասնել է (Photo)

Դերասան Դավիթ Թադևոսյանը կնոջ՝ դերասանուհի Աստղիկ Խաչատրյանի և որդու՝ Արեգի հետ ամիսներ առաջ մեկնել է ԱՄՆ։ Ամիսներ շարունակ դերասանը չէր խոսում այս մասին։ Tert.am Life–ի հետ բացառիկ զրույցում Դավիթը խոսել է ԱՄՆ մեկնելու պատճառի և առաջիկա անելիքների մասին։

Ավելի մանրամասն ՝ այստեղ

«Որպես այդպիսին` ԱՄՆ տեղափոխվելու որոշում չունեի։ Ընտանիքիս հետ եկել էինք հանգստանալու, հետո մեր այստեղ մնալը մի քիչ երկարեց»,– ասաց Դավիթն ու հավելեց, որ փորձում են հարմարվել ամերիկյան կյանքին։

Դերասանից հետաքրքրվեցինք, թե Հայաստանում ինչը չէր բավարարում իրեն` իբրև դերասանի։ «Հայաստանում կա մի կետ, որից հետո, կարծես, սկսում ես տեղում դոփել։ Մենք փոքր երկիր ունենք, ընդլայնվելու համար, երբեմն, դրսում էլ պետք է փորձես ուժերդ»,– ասաց նա։

Թեև դերասանը վաղ է համարում ծրագրերի մասին խոսելը, հայտնեց, որ առաջիկայում ԱՄՆ-ում ֆիլմ նկարահանելու մտադրություն ունի։ Մինչև այդ հանդիսատեսը կտեսնի ևս մեկ ֆիլմ իր մասնակցությամբ, որի մանրամասները կպատմենք ավելի ուշ։

ԱՄՆ–ում Դավիթն այժմ զբաղված է նոր ներկայացում բեմադրելով, որտեղ զբաղված է նաև կինը` Աստղիկը։

Ինչ վերաբերում է որդու ադապտացմանը ամերիկյան իրականությանը, Դավիթը պատասխանեց. «Արեգս շատ լավ ադապտացել է այստեղին»։