Ազգային արխիվից 2017 թ. օգտվել է 600 մարդ. «Փաստ»

«Փաստ» օրաթերթը գրում է.

Ազգային վիճակագրական ծառայությունը հրապարակել է 2017 թ. արխիվային գործունեությունը, որի վերաբերյալ ամփոփ տեղեկատվությունը տրամադրել է ՀՀ տարածքային կառավարման և զարգացման նախարարության «Հայաստանի ազգային արխիվ» ՊՈԱԿ–ը:

Այսպես, նախորդ տարի կատարվել է ՀՀ արխիվային հավաքածուի փաստաթղթերի փորձաքննությամբ արժեքավորում և համալրում: Փաստաթղթերի համալրում կատարվել է քաղաքացիներից և կազմակերպություններից: Քաղաքացիների վերաբերյալ համալրումը առնչվել է անձնական ծագման փաստաթղթերին, որոնք նախորդ տարի կազմել են 89694 թերթ: Գործավարական փաստաթղթերը կազմել են 32682 գործ: Կինո և ֆոտոփաստաթղթերը ստացվել են կազմակերպություններից և կազմել համապատասխանաբար՝ 170 և 648 գործ:

Փաստաթղթերի փորձաքննական արժեքավորումը տարանջատվել է երկու փուլով՝ ազգային արխիվում և այլ կազմակերպություններում պահպանվող փաստաթղթերի ցուցակների վերամշակում ու կատարելագործում:

Առաջին փուլում նայվել է 23647 գործ, որից 4151–ը առանձնացվել է ոչնչացման համար: Երկրորդ փուլում մշտական պահպանության է տրվել 16950 փաստաթուղթ, ևս 236–ը՝ երկարաժամկետ պահպանության: Բացի այդ, 26033 փաստաթուղթ էլ ճանաչվել է ոչնչացման ենթակա:

Փաստաթղթերի պահպանության ապահովման առումով նույնպես մեծ աշխատանք է տարվել: Նախ, վերականգնվել ու վերանորոգվել է 306667 թերթ, կազմապատման ու կարման է ենթարկվել 29306 գործ, արկղավորվել է 37900–ը, ֆիզիկական վիճակի ստուգում է կատարվել 100815 գործի նկատմամբ, 1975395 թերթ էլ համարակալվել է արխիվի աշխատակիցների կողմից:

Ընդհանուր առմամբ, արխիվում պահպանման է դրված 4255834 գործ, բացի այդ հաշվառված է 5873 միավոր ֆոնդ:

Ուսումնասիրության համաձայն՝ նախորդ տարի բազմաթիվ անգամներ կատարվել է արխիվային հավաքածուի օգտագործում ու հրապարակում: Մասնավորապես՝ կատարվել է փաստաթղթերի հավաքածուների և ժողովածուների 12 միավորի պատրաստում, 17 հոդվածի պատրաստում, 48 ռադիոհեռուստատեսային հաղարդումների պատրաստում, 3 անգամ կատարվել է փաստաթղթերի ցուցադրությունների կազմակերպում: Բացի այդ, նախորդ տարի ՀՀ արխվից օգտվողների թիվը կազմել է 600, իսկ օգտագործման համար տրված գործերի քանակը կազմել է 124369:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»