Դավիթ Տոնոյանը` Արտակարգ իրավիճակների նախարար

Nyut.am-ը գրում է.

Վաղը` փետրվարի 6-ին, Nyut.am-ի աղբյուրների վկայությամբ, ՀՀ նախագահի հրամանագրով ՊՆ առաջին տեղակալ Դավիթ Էդգարի Տոնոյանը կնշանակվի ՀՀ արտակարգ իրավիճակների նախարարի պաշտոնում:

Ամենայն հավանականությամբ, հենց վաղն էլ նրան կներկայացնեն ԱԻՆ-ի աշխատակազմին:

Տոնոյանը ՊՆ առաջին տեղակալ է 2010-ի հոկտեմբերի 2-ից:
Ավարտել է Երևանի պետական համալսարանի երկրաբանական ֆակուլտետը (1991թ.) և ՌԴ ռազմադիվանագիտական ակադեմիան (1997թ.):

Դավիթ Էդգարի Տոնոյան

Ծնվել է 1967-ի դեկտեմբերի 27-ին, Ուստ-Կամենոգորսկ քաղաքում, Ղազախական ԽՍՀ:
1991 թ. – ավարտել է Երևանի պետական համալսարանի երկրաբանական ֆակուլտետը։
1997 թ. – ավարտել է Ռուսաստանի Դաշնության ռազմադիվանագիտական ակադեմիան։
1986-1988 թթ. – ծառայել է Խորհրդային բանակում։
1992-1994 թթ. – ծառայել է ՀՀ ՆԳՆ Կազմակերպված հանցավորության դեմ պայքարի գլխավոր վարչությունում։
1994 թ. – զինվորական ծառայության է անցել ՀՀ ՊՆ ռազմական ոստիկանության վարչությունում որպես բաժնի պետ։
1997 թ. – ծառայության է անցել ՀՀ ՊՆ սպառազինության վարչության սպա։
1998-2004 թթ. - ծառայել է ՆԱՏՕ-ի գործողությունների դաշնակցային հրամանատարության շտաբին կից՝ տարբեր պաշտոններում։
2004-2007 թթ. – ՆԱՏՕ-ում ՀՀ ԶՈՒ ներկայացուցիչ։
2007-2008 թթ. – ՀՀ ՊՆ միջազգային ռազմական համագործակցության և պաշտպանական ծրագրերի վարչության պետ։
2008-2010 թթ. – ՀՀ ՊՆ պաշտպանական քաղաքականության վարչության պետ։
2010 թ. հոկտեմբերի 2-ին ՀՀ Նախագահի հրամանագրով նշանակվել է ՀՀ պաշտպանության նախարարի առաջին տեղակալ։

Ամուսնացած է, ունի դուստր և որդի։ Ձյուդոյի սպորտի վարպետ է։