Շարքային Սարգիս Սահակյան. մարտի էր նետվել եւ ոչնչացրել հակառակորդի բազմաթիվ գրոհայինների

Մեր ժամանակի հերոս, շարքային Սարգիս Սահակյան. 2016թ. ապրիլի 3-ին իրականացված մարտական գործողության ընթացքում Սարգիսը, անտեսելով ինտենսիվ հրետակոծությունը, մարտի էր նետվել եւ ոչնչացրել հակառակորդի բազմաթիվ գրոհայինների՝ խափանելով նրանց ամրացումը դիրքում: Ապրիլյան պատերազմի հերոսը զոհվել էր հակառակորդի դեմ թեժ մարտում՝ հետ շպրտելով նրանց ու կյանքի գնով պաշտպանելով Թալիշի՝ իրեն վստահված դիրքը: Հերոսական պայքարից հետո թշնամու նետած արկից Թալիշում զոհվում են երեք հերոս ընկերներից երկուսը, այդ թվում՝ Սարգիս Սահակյանը: Վերջինս գնդացրորդի օգնական էր:

Հերոսի ընտանիքը Ռուսաստան էր տեղափոխվել մշտական բնակության, երբ Սարգիսը դեռ 4 տարեկան է եղել: 12 տարի ՌԴ-ում ապրելուց հետո Սարգիսն ընտանիքի հետ Հայաստան էր վերադարձել՝ հայրենիքի նկատմամբ պարտքը կատարելու համար: Երիտասարդ հասակում սպորտային հաջողություններ արձանագրել: Ապրիլի 3-ի առավոտյան, Սարգիսը խոսել էր մոր՝ տիկին Թամարայի հետ. «Առավոտյան ժամը 11-ն էր, խոսեցի իր հետ. որդիս այնպես էր խոսում, կարծես ոչինչ չէր եղել։ Իր խոսելուց ես ոչինչ չեմ զգացել, այնքան հանգիստ էր խոսում, որ զգացնել չէր տալիս: Դա եղավ Սարգիսիս հետ վերջին խոսակցությունը»,- ավելի վաղ մեր զրույցում, հիշելով որդու հետ խոսակցությունը, պատմել էր տիկին Թամարան: Սարգիսը ֆուտբոլ շատ-շատ էր սիրում, երազում էր հանդիպել Հենրիխ Մխիթարյանին: Երազում էր ծառայությունից վերադառնար, աշխատեր, որ իր ուժերով տուն գներ: Նրա այդ երազանքներից մեկը կատարվել է՝ տունը գնվել է, բայց ճիշտ է՝ ոչ իր ցանկացած ձեւով:

Ապրիլյան պատերազմի հերոսը ծնվել է 1995 թվականին, Կոտայքի մարզի Հրազդան քաղաքում:

Սարգիս Սահակյանը հետմահու պարգեւատրվել է Հայաստանի Հանրապետության Մարտական խաչ երկրորդ աստիճանի շքանշանով:

Այս թեմայով Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում Ես գալիս եմ այս պաշտոնին ունենալով հստակ պատկերացումներ. Առողջապահության նախարարը կոչով դիմել է հանրությանը (տեսանյութ) «Եթե զուգարանում թուղթ չլինի, քո դեմքով եմ սրբվելու». երիտասարդը ինտերնետ ակումբում դանակով հարձակվել է աշխատողի վրա