Ներդրումային հաջողված քաղաքականության լավագույն օրինակը տալիս է «Մուլտ Գրուպ» ընկերությունը

Անտոն Սարոյանը ֆեյսբուքյան իր էջում գրում է՝

Այն մեծածավալ ներդրումները, որոնք կատարվել են Հայաստանում վերջին տարիներին գլխավորապես տեղի է ունեցել «Մուլտի «Գրուպ ընկերության շնորհիվ։ Ընկերության՝ օրերս հրապարակված հաշվետվությամբ ներկայացված են թվեր, որոնք ոչ միայն ուրախություն են պատճառում, որ այսքան գումար կարող է մեկ կազմակերպության շնորհիվ մտնել երկիր, այլև աննախադեպ է ժամանակային կտրվածքով։
Այսպես՝ վերջին երեք տարիների ընթացքում «Մուլտի գրուպը»՝ սեփականատեր Գագիկ Ծառուկյանի նախաձեռնությամբ, Հայաստանյանի արդյունաբերական տարբեր ոլորտներում կատարել է 1․2 միլիարդ դոլարի ներդրում, որն իր հետ բերել է ոչ միայն զարգացում ու առաջընթաց տարբեր ոլորտներում, այլև մեծաքանակ աշխատատեղերի ստեղծում։

Ներդրումների այս հսկայական ալիքը ուղղվել է ադյունաբերական, շինարարական, տնտեսական բազմաբնույթ ծրագրերի իրականացմանը, որոնց մի մասն արդեն իսկ կյանքի են կոչվել: Այս նախաձեռնությունից անմասն չի մնացել նաև փոքր և միջին բիզնեսը, որի զարգացմանը ևս ուղղվել է վերոնշյալ ներդրումներից բավականին զգալի մաս։ «Առինջ մոլ» առևտրի կենտրոնը ասվածի լավագույն ապացույցն է, որը խոսուն օրինակն է փոքր և միջին բիզնեսի զարգացման համար նախադրյալներ ստեղծելու առումով։

Վերջինիս հարակից տարածքում այժմ կառուցվում է հսկայական արտադրամաս, որը զբաղվելու է տեքստիլ արդյունաբերության բոլոր տեսակների արտադրությամբ՝ զարկ տալով հայրենական արտադրանքին։ Ինչպես նաև կառուցվում է՝ կիրպտովալյուտայի արտադրություն իրականացնող տեխնոպարկը, որը ապագայի մարտահրավերները ընդունելու լավագույն օրինակն է։
Գաիկ Ծառուկյանի ղեկավարած ընկերության այս ձեռքբերումները կարևոր են առաջին հերթին երկրի համար և նախանշում են այն բոլոր ուղիները, որոնցով ընթանալով կարելի է ներդրումներ բերել դեպի մեր երկիր, հաջողություններ գրանցելով ցանկացած ոլորտում: