Հայաստանը զորամիավորո՞ւմ է ուղարկում Սիրիա.«Փաստ»
«Փաստ» օրաթերթը գրում է.
Երեկ ուշագրավ տեղեկություն է տարածել ռուսական մամուլը: Հայտնի «Независимая газета»–ն գրել է, որ «շուտով կապույտ բերետավորների կարգավիճակով Սիրիայում կարող են հայտնվել զորամիավորումներ Ռուսաստանից ու Սիրիայի դաշնակից մի շարք երկրներից»: Ռուսական ռազմաքաղաքական վերնախավից թերթի աղբյուրները պնդում են, որ այդ երկրների թվում բացի Իրանից կարող են լինել նաև Եգիպտոսը, Չինաստանը, Սերբիան և ԱՊՀ մի շարք երկրներ, նախևառաջ Հայաստանն ու Ադրբեջանը:
Ադրբեջանական մամուլն իր հերթին ենթադրել է, որ այդ հարցը կարող է քննարկվել այս օրերին Մոսկվայում ընթացող ԱՊՀ պաշտպանության նախարարների հերթական նիստում, որին, ի դեպ, մասնակցում են և՛ Հայաստանի, և՛ Ադրբեջանի պաշտպանական գերատեսչությունների ղեկավարները:
Մի կողմ թողնելով մնացած երկրների հարցը, անդրադառնանք Ադրբեջանին և Հայաստանին: Այն, որ ադրբեջանական Զինված ուժերը, կարելի է ասել, անմիջականորեն ղեկավարվում են Անկարայի կողմից, գրեթե կասկածից վեր է: Ուստիև, եթե Սիրիայի տարածքում հայտնվի ադրբեջանական զորամիավորում, այն անմիջապես կհայտնվի թուրքական հրամանատարության ներքո: Իսկ որ Թուրքիայի և Ռուսաստանի շահերը Սիրիայի հարցում չեն համընկնում, գաղտնիք չէ: «Այնպես որ, Ադրբեջանի կողմից զորամիավորում ուղարկելը բոլորովին էլ չի ուժեղացնի Ռուսաստանի դիրքերը»,– կարծում է քաղաքական վերլուծաբան Վահան Վարդանյանը:
Ինչ վերաբերում է Հայաստանին, ապա Սիրիա զորամիավորում ուղարկել, առավել ևս ռուսական զորակազմի կազմում, Արևմուտքի կողմից, մեղմ ասած, չի ողջունվի: Ու ներկա պայմաններում Հայաստանը դժվար թե համաձայնի նման քայլի:
Բայցևայնպես, այս տեղեկատվության ֆոնին հետաքրքիր էր լուրը այն մասին, որ այս օրերին Սիրիայի, նաև Եգիպտոսի խորհրդարանների հանձնաժողովներում քննարկվում է Հայոց ցեղասպանության ճանաչման հարցը: Սակայն Վ.Վարդանյանը չի շտապում այս հարցերը տեսնել մեկ հարթության մեջ: «Մենք պետք է հաշվի առնենք մի բան, որ արաբական աշխարհի բոլոր պետություններն անխտիր, անկախ նրանից, թե ինչ վերաբերմունք ունեն մեր նկատմամբ, չեն կարող հանդուրժել Թուրքիայի դիրքերի ուժեղացում տարածաշրջանում, մանավանդ Սիրիայի, այսինքն` արաբական տարածքների հաշվին»,– համարում է վերլուծաբանը:
Շարունակությունը` «Փաստ» օրաթերթի այսօրվա համարում:
Միասնության հանրահավաք․ շտկենք թիկունքներս՝ միասնաբար ու համերաշխորեն․ Գոհար Մելոյան
«Ուժեղ Հայաստան Սամվել Կարապետյանի հետ» դաշինքի հանրահավաքին ներկա է եղել շուրջ 40,000 մարդ
Պետության գործառույթը քաղաքացուն կրթելն է, այլ ոչ թե ցածրորակ մշակույթ տարածելը․ Մենուա Սողոմոնյան
Երեկ «Առաջարկ Հայաստանին» ծրագրի շնորհանդեսի ժամանակ ականատես եղանք համընդհանուր ոգևորության ու բացա...
Ինչ ենք բերում գյուղատնտեսության մեջ. Հրայր Կամենդատյան
Տարոն, մեծերի գործերին մի´ խառնվիր. ֆեյքեր վարելն է քեզ մոտ ստացվում․ Արեգա Հովսեփյան
Մեր շուրջն իրավիճակը շարունակում է մնալ լարված ու անորոշություններով լի․ Արտակ Զաքարյան
Ով էր Փաշինյանին գրկախառնված կինը
Իրանը կարող է 64 միլիարդ դոլար վաստակել Հորմուզի նեղուցով նավերի անցումից
Մոսկվայում ջերմ ողջունում է Պուտինին, Երևանում՝ խոսում ռուսական սպառնալիքներից․ Մենուա Սողոմոնյան
