Կենդանակերպի նշանների կանանց ուժը
Խոյ
Խոյերի ուժը նպատակասլացությունն է: Խոյ կանայք տեսնում են նպատակը, իսկ խոչընդոտները՝ անտեսում... հաղթահարելի են: Հարկ է նաեւ հիշել, որ եթե Խոյ կնոջ ճանապարհին անհաղթահարելի պատ լինի, նա վաղ թե ուշ, այս կամ այն կերպ կջախջախի այն: Իհարկե՝ Խոյ կանայք հրաշալի հասկանում են, որ կարելի է նաեւ շրջանցել պատը, բայց նրանց համար իրականության հետ զիջումները թույլերի համար են: Եվ նրանց հետ քչերն են ցանկանում գլուխ դնել: Ի վերջո՝ բոլորն էլ ապրել են ուզում:
Ցուլ
Ցուլերի ուժը երեւակայությունն է: Չգիտես ինչու՝ բոլորը կարծում են, որ Ցուլ կանայք հաստատուն կանգնած են իրենց ոտքերի վրա եւ զուրկ են երեւակայությունից: Բայց այդպես չէ: Իրականում նրանք ուժեղ են ու խելացի, այդ պատճառով մանր խնդիրները ձախ ձեռքով են հաղթահարում: Իսկ լուրջ խնդիրների դեպքում նրանք ներքաշվում են իրենց ներաշխարհում՝ որեւէ մեկին դրանք ցույց չտալու համար: Նրանք հենց այնտեղ են էներգիա գտնում եւ նոր ուժերով լիցքավորված վերադառնում:
Երկվորյակներ
Երկվորյակների ուժը հաղորդակցական ունակություններն են: Երկվորյակ կանայք քայլող Facebook են, այնքան բնական ու հեշտությամբ են սոցիալական կապեր հաստատում, որքան սարդն իր ոստայնն է հյուսում: Բայց նրանց գլխավոր ուժը, իհարկե, խոսքն է: Նրանք ում ասես կարող են անհրաժեշտ բառերով վերակենդանացնել:
Խեցգետին
Խեցգետինների ուժն էմպատիան է: Խեցգետին կանայք հենց այնպես չէ, որ ամբողջ կյանքում ապրում են իրենց պատյանում՝ աշխարհից կտրված: Եթե նրանք նույնիսկ մատի ծայրը դուրս հանեն պատյանից, անմիջապես կմտնեն ինչ-որ մեկի կաշվի մեջ, ստիպված կլինեն մտածել ուրիշների զգացմունքների, մտքերի մասին, ներքաշվել նրանց խնդիրներում: Առօրյայում այնքան էլ հարմար չէ, բայց գլոբալ խնդիրների ու աղետների դեպքում հենց այն է, ինչ պետք է:
Առյուծ
Առյուծների ուժն անվախությունն է: Առյուծ կանանց ծանոթ չէ վախի զգացողությունը, այդ պատճառով էլ նրանք միշտ եւ ամենուր առաջինն են. առաջին գեղեցկուհիները, ամենախելացին եւ, ընդհանրապես, Տիեզերքի թագուհին: Պարզապես այն պատճառով, որ քանի դեռ բոլորը վախեցած մի կողմ են քաշվում, Առյուծ կինն արքայական կեցվածքով մոտենում է գահին եւ նստում: Կարծես հենց այդպես էլ պետք է:
Կույս
Կույսերի ուժը տրամաբանությունն ու ինտելեկտն է: Կույսերի խելքը նման է սամուրայների թրի, որը կարող է նույն թեթեւությամբ ե՛ւ մետաքս, ե՛ւ մարմար կտրել: Եվ կենդանի մարմին: Կույս կանայք կարող են ցանկացած իրավիճակ եւ խնդիր քանդել, ուշադիր զննել, ուսումնասիրել եւ հավաքել՝ հստակ իմանալով, թե հիմա ինչ պետք է անել:
Ջրհոս
Ջրհոսների ուժը ոչ ստանդարտ մտածողությունն է: Ջրհոս կանայք ոմանց կարող են փոքր-ինչ տարօրինակ թվալ, ոմանք էլ կարծում են, որ նրանք ընդհանրապես ունակ չեն նորմալ կյանքով ապրել, քանի որ միշտ սավառնում են երկնքում: Բայց երբ բոլորը կարծում են, որ ամեն ինչ անհույս է, ամեն ինչ կորած է, Ջրհոս կանայք կարողանում են ելք գտնել իրավիճակից: Կամ նույնիսկ երկուսը: Եվ կհուշեն, թե տարբերակներից որն է նախընտրելի:
Կշեռք
Կշեռքների ուժը նրանց թեթեւությունն ու հմայքն է: Կշեռք կանայք միշտ հիասքանչ են, եթե նույնիսկ խստահայաց հաշվապահ են կամ շնաձկան ատամներով փաստաբան: Կշեռք կնոջ կողքին ցանկացած տղամարդ իրեն հերոս է զգում: Նրանց կողքին նույնիսկ չար կատուներն են դադարում տհաճություն պատճառել: Ոչ ոք չի ցանկանում նեղացնել այդ հրաշալի փերիին:
Կարիճ
Կարիճների ուժը բնատուր մագնիսականությունն է: Կարիճ կանայք ոչ մի ջանք չեն թափում՝ ցանկացածին դեպի իրենց գրավելու եւ ամբողջությամբ կամքից զրկելու համար: Դա ինքնաբերաբար է ստացվում: Բարեբախտաբար, Կարիճներին միայն ընտրյալներն են հետաքրքրում: Շնորհակալ եղեք, որ նրանց թակարդն ինքնուրույն է բացվում:
Աղեղնավոր
Աղեղնավորների ուժը հաստատակամության եւ լավատեսության մեջ է: Բացարձակապես անսասան նշան է: Շուրջը կարող է փոթորիկ լինել, ամեն ինչ կործանվել ու խորտակվել, իսկ Աղեղնավոր կինը կանգնած կլինի իր տեղում: Աղեղնավորի ուժի մեջ կարելի է թաքնվել կյանքի բոլոր դժվարություններից՝ ինչպես անհասանելի միջնաբերդում: Իհարկե՝ նախ հարկ կլինի նվաճել այդ միջնաբերդը, բայց դա արդեն այլ պատմություն է:
Այծեղջյուր
Այծեղջյուրի ուժն աշխատունակությունն է: Այծեղջյուր կանայք կարող են անդադար աշխատել՝ հոգնածության որեւէ նշան չցուցադրելով: Ոմանք փորձում են խղճալ «խեղճ» Այծեղջյուրներին՝ չհասկանալով ամենակարեւորը. նրանք հավերժական շարժիչ են, որոնք էներգիայով լիցքավորվում են հենց գործողության մեջ:
Ձկներ
Ձկների ուժն անհավանական բնազդն է: Ձկները զգում եւ նկատում են նույնիսկ այն նրբությունները, որոնք ընդհանրապես ոչ ոքի հասանելի չեն: Իհարկե՝ Ձկները չեն սիրում գործի դնել կախարդական գունդը, ավելորդ մարդիկ նրանց նյարդայնացնում են: Իսկ ահա մտերիմներին նրանք վտանգից հեռացնում են շատ ավելի առաջ, քան որեւէ մեկը զգում է դրա մոտենալը:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
