«Չայխոնա»՝ հայկական հասցեում. «Փաստ»

«Փաստ» օրաթերթը գրում է.

Տերյան–Հյուսիսային պողոտա խաչմերուկում նախկին «Մոսկվիչկա», ներկայում «Պարմա» խանութի երկրորդ հարկում բացվել է «Չայխոնա»:

Վերջին մի քանի տարիներին մայրաքաղաքում բացվող մի շարք ռեստորաններ ու սրճարաններ առավելապես հայկական անուններ են կրում՝ «Լավաշ», «Շերեփ», «Տոլմա», «Տարբեր» և այլն: Եվ այսօր օտարալեզու ցուցափեղկով այս ռեստորանի անվան ընտրության պատճառները կարելի է տարօրինակ համարել հատկապես նրա համար, որ այն թուրքական ծագում ունի:

Պարսկերեն «Չայխոնա» կամ թուրքերեն «Չայխանա» տարբերակի փոխարեն, գուցե ավելի գեղեցիկ հնչեր հայերեն «Թեյարանը»: Սակայն...ռեստորանում իրենց օբյեկտի անունը բնավ թուրքական չեն համարում:

Ինչպես «Փաստ»–ի հետ զրույցում նշեց ռեստորանի մենեջերը, այս անունը բնավ էլ թուրքական ծագում չունի: Այն գալիս է Չինաստանից, այնտեղ են ստեղծվել առաջին չայխոնաները, դեռ «Մետաքսի ճանապարհ» հանրահայտ քարավանային ճանապարհի գոյության ժամանակ, որը միջնադարում կապել է Արևելյան Ասիան Միջերկրական ծովի հետ: Իսկ Հայաստանն էլ այդ ժամանակ կարևոր դեր է խաղացել այդ ճանապարհի վրա:

Երիտասարդի խոսքով ամեն ինչի մեջ բացասականը, վատը տեսնել պետք չէ. «Եթե ասիական է, պետք է վերապահումներո՞վ մոտենալ: Հասարակության մեջ այնքան շատ խնդիրներ կան, որ նման բաների վրա կենտրոնանալ պետք չէ: Բոլոր մարդիկ էլ նույնն են, մշակույթները՝ անգնահատելի, և սխալ է, թեկուզ հավատքի համար, նման վերաբերմունք տածել: Չնայած չայխոնա բառը մահմեդականության հետ ոչ մի կապ էլ չունի: Հին հայկական ասացվածք կա չէ՝ գյուղ չկա, որ շուն չունենա: Հիմա բոլոր ազգերի մեջ լինում են լավ ու վատ մարդիկ: Բայց հավատքի, ազգային պատկանելության համար դասակարգելը սխալ է»,– նշեց նա:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»