Տիգրան Ուրիխանյան. «Ծառուկյանից ներողություն հայցելու և Հայաստանը լքելու հերթեր պետք է գոյանան այս պահից». «Փաստ»
«Փաստ» օրաթերթը գրում է.
Մեր զրուցակիցն է «Ալյանս» կուսակցության ղեկավար, ԱԺ պատգամավոր Տիգրան Ուրիխանյանը
– Այս պահին, երբ արդեն իրողություն է Գագիկ Ծառուկյանի վերադարձը, Դուք բանակցություններ վարո՞ւմ եք նրա հետ կամ կվարե՞ք, քանի որ նա խոսեց դաշինքների մասին:
– Նախ՝ Դուք հարց եք տալիս մի մարդու, որը Ծառուկյանի դուրս գալու օրվանից մինչև այս րոպեն դեմ է եղել դուրս գալուն՝ պահանջելով և ակնկալելով վերադարձ: Դուք հարցը տալիս եք մի մարդու, որը միակն այդ ամբողջ թիմից դեմ քվեարկեց սահմանադրական բարեփոխումներին: «Ալյանս» կուսակցության հիմնադրման օրը և դրանից հետո էլ հայտարարել եմ, որ Գագիկ Ծառուկյանի հեռացումով պայմանավորված վակուումը չի լրացել և ավելի է մեծացել: Հիմա պետք է գոյանա մարդկանց հերթ, որոնք պետք է ներողություն հայցեն: Պետք է գոյանան ավիատոմսերի վաճառքի հերթեր: Երբ այդ կատեգորիաները մաքրվեն, այդ ժամանակ ճիշտ կլինի Ծառուկյանի հետ համագործակցողների զննումն իրականացնել:
– Այսինքն՝ Ձեր համագործակցությունը պայմանավորված է նրա կողքին գտնվող այլ անձանցո՞վ:
– Ես այդպես չասացի, բայց կյանքը շատ բան կդնի իր տեղը: Մի խոսքով՝ Գագիկ Ծառուկյանը պետք է որոշի, իսկ ես համոզված եմ՝ արդեն որոշել է, թե ովքեր են լինելու այն մարդիկ, որոնց համար սկզբունք փոխելը հեշտ չէ: Կրկնեմ՝ ինձ համար ակնհայտ է, որ ներողություն հայցելու և Հայաստանը լքելու հերթեր պետք է գոյանան այս պահից:
– Ուրիշ նախընտրական միավորումներին ինչպե՞ս եք վերաբերվում: Օրինակ՝ Սեյրան Օհանյան–Վարդան Օսկանյան–Վիկտոր Դալլաքյան և այլն:
– Հանդիպումներ և զրույցներ ունեցել եմ քաղաքական դաշտի բոլոր ուժերի ղեկավարների հետ, բայց բանակցություններ չեմ ունեցել, չեմ էլ ունենալու: Ես այն մարդը չեմ, որն ընտրություններից առաջ պետք է բանակցի: Իմ ամբողջ պառլամենտական գործունեությունը եղել է և՛ բանակցություն, և՛ նախընտրական քարոզչություն: Նոր ասելիք չունեմ:
– Այսինքն՝ միանալ ցանկացողնե՞րը պետք է Ձեզ հետ բանակցեն:
– Ես նման ամբիցիոզ բան չասացի:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
