Արագածավանում ջուրը գնում են. «Փաստ»

«Փաստ» օրաթերթը գրում է.

Արագածոտնի մարզի Արագածավան համայնքում խմելու ջուր չկա, մարդիկ այն ստիպված գնում են։ Արագածավանը մարզի ամենամեծ համայնքն է, այս պահին այնտեղ բնակվում է շուրջ 5000 մարդ։ Թալինից բեռնատար մեքենայով ջուր են բերում Արագածավան, և 40 լիտրը 200 դրամով գյուղացիները գնում եմ։ 2 արտեզյան հոր կա, և համայնքապետարանը գյուղացիներին կարողանում է ապահովել միայն տեխնիկական ջրով, որը խմելու համար պիտանի չէ: Արտեզյան հորի ջուրը արագածավանցիներն օգտագործում են կենցաղային նպատակներով։

«Այընտրանք չկա, ստիպված ենք ջուր գնել։ Համատարած թանկացումներ են ու մեզ համար էլ մի բեռ ավել է՝ ջուր ենք գնում: Մեր չորս կողմը՝ 40 կմ շառավղով, խմելու ջուր չկա, ո՞ւմ դիմենք։ Թալին քաղաքը գիշերը ջուրը կուտակում է, առավոտյան բաշխում։ Դա միակ քաղաքն է, որը ջրին մոտիկ է, իսկ մենք Թալինից 35 կմ հեռավորության վրա ենք գտնվում։ Խմելաջրի լուծումը կլինի այն դեպքում, երբ Թալինի բարձրադիր գյուղերն ապահովված լինեն ոռոգման ջրով: Այդ գյուղերում մարդիկ ոռոգման ջուր չունեն, և մաքուր ջուրն օգտագործում են ոռոգման նպատակով»,– «Փաստ»–ի հետ զրույցում բողոքեցին արագածավանցիները:

Արագածավանն ընդհանրապես խմելու ջուր չի ունեցել, իսկ ներցանցային համակարգը կառուցվել է միայն արտեզյան հորերի ջուրը մարդկանց հասցնելու համար ՝ ավելացրեց համայնքապետ Անդրանիկ Պապիկյանը։

«35–40 կիլոմետր ջրագիծ պետք է փոխվի: Դա էլ հսկայական ծախսեր է պահանջում, անհնար է, որ մենք ջուր ունենանք, բայց արտեզյան հորերի ջուրն էլ վատը չէ, մի շարք բնակիչներ նաև այդ ջուրն են օգտագործում»,– ներկայացրեց նա։

Բացի ջրից, նաև համայնքային ճանապարհներն են խնդիր:

«Ճանապարհները վատ վիճակում են, փորձում ենք մեր միջոցներով լուծել: Լուսավորության հարցն էլ մասամբ է լուծված, կամաց–կամաց ինչ– որ մի բան անում ենք»,– ասաց նա:

Լուծվել է գազի խնդիրը: Այստեղ գյուղացիների մեծ մասը կենցաղում և բնակարանները տաքացնելու հարցում փայտ էին օգտագործում, ոմանք էլ՝ ինչով պատահի: Փայտ էին հավաքում գյուղի շրջակա տարածքներից և ավանակների ու ձիու սայլին բարձած՝ բերում տուն: Այսօր արդեն համայնքում գազի բաժանորդներ կան:

«Ճիշտ է՝ գազը թանկ է, ոչ բոլորն են կարողանում օգտագործել հատկապես բնակարանները տաքացնելու հարցում, բայց կենցաղում օգտագործում են»,– հայտնեց Պապիկյանը:

Արագածավանցիները զբաղվում են այգեգործությամբ և դաշտավարությամբ։ Նախորդ տարի գյուղատնտեսությունից շահույթ չեն ստացել, պատճառն էլ ոռոգման ջրի բարձր սակագինն է։ Ոռոգման ջրի դիմաց մեկ խորանարդ մետրին 13 դրամ են վճարում:

«Ինչքան ուզեցին, էնքան էլ գին դրեցին։ Շատ բարձր գին է։ Մեր հիմնական ցավը ոռոգման ջրի գինն է։ Ջուրը կա, բայց թանկ է»,– բողոքեցին մեր զրուցակիցները:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»