Ո՞ւմ ընկերակցությունն է նախընտրել Հովիկ Աբրահամյանը

Քիչ առաջ ՀՀ նախկին վարչապետ Հովիկ Աբրահամյանը Facebook-ի իր էջում ընտանեկան լուսանկար է հրապարակել՝ այսպիսի մակագրությամբ. «Ծննդյանս 60-ամյակը՝ թոռնիկներիս հետ ջերմ մթնոլորտում»:

Սխալված չենք լինի, եթե փաստենք, որ տարիներ շարունակ Աբրահամյանն իր ծննդյան օրը նշել է՝ որպես բարձրաստիճան պաշտոնյա: Ասել է թե երկրի գլխավոր դերակատարներից մեկի ծննդյան արարողությունը դարձել է այն կարևորագույն միջոցառումներից մեկը, որտեղ քաղաքական-հասարակական դեմքերը փորձել են արժանվույնս ներկայանալ՝ «շեֆի» ուշադրությանը գեթ մեկ ակնթարթ որսալու համար: Այդ ամենին, բնականաբար, հետևել է մամուլը՝ որպես կանոն արձանագրելով՝ ովքե՞ր են մասնակցել Աբրահամյանի ծննդյան արարողությանը, ի՞նչ կենացներ են խմվել, ի՞նչ ինտրիգային խոսակցություններ են ծավալվել, ո՞վ է շուտ գնացել, ո՞վ է երկար պարել կամ ծամել և այլն:

Այսօր, սակայն, Հովիկ Աբրահամյանը բարձրաստիճան պաշտոնյա չէ ու հետաքրքիր է՝ իշխանական բուրգի կարկառուններից կամ էլ նրա մեծ շրջապատից քանի՞սն են հիշել հոբելյանի մասին: Հռետորական հարցադրում է, հարցադրման հասցեատերն էլ, կարծում ենք, առանց մեր հուշումների  մտորելու առիթներ այս ընթացքում ունեցել է:

Բոլոր դեպքերում, կարծում ենք, նորմալ մարդու համար շատ ավելի նախընտրելի է հոբելյան դիմավորել ու ճանապարհել անկեղծ ընտանեկան մթնոլորտում:  

Newsbook.am

Այս թեմայով Հովիկ Չարխչյան. «Նոր սերնդի ու նոր որակի ականատեսն ենք՝ իշխանությունները տագնապելու բոլոր հիմքերն ունեն». «Փաստ» Ինձ թվում է, թե ավելի ուժգին սիրել պարզապես հնարավոր չէ. Անի Երանյան Հիշում եմ մեր միասին անցկացրած բոլոր պայծառ իրադարձությունները, բոլոր ուրախություններն ու փորձությունները.Անի Երանյանի հուզիչ խոստովանությունը Արա Աբրահամյանը «գործ տվո՞ղ» է, ուրիշի ունեցվածքը խլո՞ղ, թե հայերին միավորող կառույցի ղեկավար. «Փաստ» Հենրիխ Մխիթարյանը՝ մայրիկի տարեդարձին. որտե՞ղ և ինչպե՞ս են նշում