Իշխանությունների անտարբերությունը՝ երիտասարդների մահացու «խաղի» պատճառ . «Փաստ»
«Փաստ» օրաթերթը գրում է.
Երեկ համացանցային լրատվամիջոցներում ակտիվ քննարկվում էր դեղատներում ազատորեն վաճառվող հոգեմետ դեղերի թեման: Մեր տեղեկություններով թեմայի շուրջ քննարկումներ են ընթացել նաև «Միասնություն» համազգային շարժման խորհրդում, որտեղ որոշում է կայացվել նաև հանրային և այլ հարթակներում պայքար մղել այդ երևույթի դեմ:
«Փաստը» «Միասնություն» համազգային շարժման համակարգող խորհրդի նախագահ Արման Վարդանյանից փորձեց պարզել, թե իրենք ինչ քայլեր են նախատեսում:
– Պարոն Վարդանյան, մամուլում հրապարակումներ եղան, որ Հայաստանի դեղատներում ազատ վաճառվում են դեղեր, որոնք հոգեմետ ազդեցություն ունեն, իսկ օգտագործողները շատ արագ կախվածության մեջ են ընկնում, ինչպես թմրանյութերից: Մասնավորապես խոսքը «Լիրիկա» դեղամիջոցի մասին էր, որ կարծես, չարիքի նման կախված է շատ հայ ընտանիքների գլխին:
– Ես ամբողջովին կիսում եմ բարձրացված մտահոգությունը: Ասեմ ավելին, մեզ հասած տեղեկություններով նմանատիպ դեղամիջոցներ շրջանառվում են ակումբներում և զվարճանքի այլ վայրերում: Երիտասարդներից շատերը, չգիտակցելով հետևանքները` ընկնում են ազդեցության տակ ու կործանում իրենց կյանքը: Մեզ համար դա անթույլատրելի է: Երիտասարդության առողջությունը մեր երկրի համար ունի ազգային անվտանգության նշանակություն: Ամեն կերպ պետք է պայքարել այդ արատավոր երևույթի դեմն առնելու համար:
– Ի՞նչ քայլեր եք պատրաստվում ձեռնարկել:
– Այդ հարցը ամենայն լրջությամբ քննարկվել է «Միասնություն» համազգային շարժման խորհրդում: Իշխանությունները զբաղված են իրենց նեղ անձնական հարցերով, այնինչ երիտասարդությունը կոնկրետ մահվան դեմ է կռիվ տալիս՝ առանց հասկանալու, թե վաղն ինչ է սպասվելու իրեն: Մենք որոշել ենք շատ խիստ պայքար մղել հանրապետությունում այդ չարիքի տարածման դեմ: Առաջին` պետք է խստացնել վերահսկողությունը: Նմանատիպ դեղերը պետք է դեղատներում վաճառվեն բացառապես բժշկի թույլտվությամբ: Երկրորդ` համապատասխան մարմիններից պահանջելու ենք ուժեղացնել հսկողությունը զվարճանքի վայրերի նկատմամբ, որպեսզի մեզանում օր առաջ արմատախիլ արվի նման մահաբեր թույների տարածումը: Եթե հետևողական պայքար չմղենք, ապա ընդամենը մի քանի տարի հետո կունենանք անդառնալի հետևանքներ:
Շարունակությունը` «Փաստ» օրաթերթի այսօրվա համարում:
Միասնության հանրահավաք․ շտկենք թիկունքներս՝ միասնաբար ու համերաշխորեն․ Գոհար Մելոյան
«Ուժեղ Հայաստան Սամվել Կարապետյանի հետ» դաշինքի հանրահավաքին ներկա է եղել շուրջ 40,000 մարդ
Պետության գործառույթը քաղաքացուն կրթելն է, այլ ոչ թե ցածրորակ մշակույթ տարածելը․ Մենուա Սողոմոնյան
Երեկ «Առաջարկ Հայաստանին» ծրագրի շնորհանդեսի ժամանակ ականատես եղանք համընդհանուր ոգևորության ու բացա...
Ինչ ենք բերում գյուղատնտեսության մեջ. Հրայր Կամենդատյան
Տարոն, մեծերի գործերին մի´ խառնվիր. ֆեյքեր վարելն է քեզ մոտ ստացվում․ Արեգա Հովսեփյան
Մեր շուրջն իրավիճակը շարունակում է մնալ լարված ու անորոշություններով լի․ Արտակ Զաքարյան
Ով էր Փաշինյանին գրկախառնված կինը
Իրանը կարող է 64 միլիարդ դոլար վաստակել Հորմուզի նեղուցով նավերի անցումից
Մոսկվայում ջերմ ողջունում է Պուտինին, Երևանում՝ խոսում ռուսական սպառնալիքներից․ Մենուա Սողոմոնյան
