Անցած տարին ցնցումների, հպարտության, նաև դառը հիասթափությունների տարի էր. «Փաստ»
«Փաստ» օրաթերթը գրում է.
Մեր հյուրն է քաղաքագետ Լևոն Շիրինյանը
– Անցնող տարին մեր երկրի համար ինչպիսի՞ն էր: Ունեցա՞նք ձեռքբերումներ, կորուստներն ու բացթողումները որո՞նք էին:
– Ցնցումների ու վայրիվերումների տարի էր: Հպարտության, նաև դառը հիասթափությունների տարի էր: Հայաստան այցելելիս Հռոմի պապն ասաց` սա աստվածաշնչյան Հայաստանն է: Մի քանի ամիս առաջ գրեթե նույն բանն ասաց բարոնուհի Քոքսը: Դա Հայաստանի մշակութային ու քաղաքակրթական առաքելության այն գնահատականն է, որ դարերով եղել է Եվրոպայում և քաղաքակիրթ մարդկության մոտ: Հիշեցնեմ, ժամանակին Բայրոնն էր ասում այդ մասին: Իսկ ընդհանրապես անգլիական և գերմանական մշակույթի մեջ նման գնահատականներ շատ են եղել: Այս տասնամյակների ընթացքում է, որ դրանք խավարի մեջ թաղվեցին: Բայց հայ ժողովուրդը պարտավոր է սրբությամբ հետևել իր առաքելությանը: Իսկ դա նշանակում է Հայաստանի վերածնունդ բոլոր իմաստներով` տարածքով, մշակույթով, տնտեսությամբ:
Տարին նաև հերոսական էր: Քառօրյա պատերազմը ցույց տվեց մեր ժողովրդի անկոտրում կամքը` համաշխարհային դավադրության և թուրքական գրոհի դեմդիմաց մենք մնացինք մենակ: Բայց դրան հակառակ պատկերացրեք ռոբերտաբաջյանների, տիգրանուրֆանյանների ու մյուս տղաների, զինվորականների այն կեցվածքը, որի շնորհիվ խափանվեց ամեն մի չարագործություն: Վստահ եղեք, որ ադրբեջանա–թուրքական գրոհի հետ միասին դրա նպատակը ռուսական խաղաղապահ ուժերի տեղակայումն էր նաև: Այս ամենը չեզոքացվեց: Ապա եղավ «Սասնա ծռերի» զինված ապստամբությունը, ինչը վիժեցրեց տարածքների վերադարձի ծրագիրը: Մի խոսքով, սրանք ոչ թե ողբերգության, այլ հերոսականության էջեր են:
Իսկ հիմա Հայաստանը պատրաստվում է կառավարման ձևի փոփոխության: Սկսվել է կուսակցությունների մրցավազքը, կուսակցություններ, որոնք իրականում շահերի խմբեր են: Չկա գաղափարախոսություն, չկա քաղաքական պլատֆորմ: Մարդիկ իրենց բարեկեցությունը պատկերացնում են իշխանության օղակում լինելու հանգամանքով: Սրանք էլ մեր կյանքի տխուր ելևէջներն են
– Այդ խնդիրների գիտակցումը կա՞: Այսօր ձեռնարկվող քայլերը բավարար չե՞ն այդ մարտահրավերները հաղթահարելու համար:
– Գիտակցվում է ոչ բավարար չափով, որովհետև հակառակ դեպքում կառավարության փոփոխությունը կբերեր մոդեռնիզացիայի ծրագրի հռչակում: Բայց կոսմետիկ փոփոխությունների ձգտումը արմատական փոփոխությունների ձգտում չէ: Եվ իշխանությունը շարունակում է մնալ քաղաքական ու տնտեսական օլիգարխիայի ձեռքերում:
– Ընդունվել է ապօրինի հարստացումը քրեականացնող օրենք: Այն չի՞ ուղղվի Ձեր նշած խնդիրը լուծելուն:
– Այդ օրենքի հռչակմանն ու կիրառմանը կհավատայի, եթե երկրում հայտարարվեր իրավական պետության կայացում` որպես գերխնդիր: Մենք տեսել ենք, թե Հայաստանում օրենքներն ինչպես են կիրառվում: Դրա համար ես առողջ սկեպտիցիզմով եմ դրան նայում: Ասում են` հավատացեք, որ կփոխվենք: Իսկ ես ասում եմ` փոխվեք, կհավատանք:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
