Ի՞նչ գիտի Շիրխանյանը. «Փաստ»
«Փաստ» օրաթերթը գրում է.
Վերջին օրերին մամուլում լայն արձագանք գտավ զինված խմբի գործով կալանավորված ՀՀ ԶՈՒ նախկին փոխնախարար Վահան Շիրխանյանի առողջության վերաբերյալ տեղեկատվությունը։ Ոչ միայն մամուլը, այլ նաև բազմաթիվ իրավապաշտպաններ հանդես եկան նրա առողջական վիճակի վերաբերյալ կտրուկ հայտարարություններով։ Մեր թերթի նախորդ համարներից մեկում արդեն անդրադարձել ենք, այսպես ասած, զինված խմբի գործին ու դրա շուրջ բազմաթիվ տարակարծություններ առաջացնող իրողություններին։ Ձերբակալվածների շարքում, թերևս ամենահայտնի անունը հենց Շիրխանյանինն է։ Նրա պարագայում ակնհայտ է դառնում ՀՀ տարբեր գերատեսչությունների անատամ վիճակը և կամակատար լինելը։ Ակնհայտ է, որ անձն ունի առողջական լրջագույն խնդիրներ։ Անկախ այն հանգամանքից, թե նա իրականում կապ ունի իրեն վերագրվող մեղքերի հետ, թե ոչ, յուրաքանչյուր քաղաքացու առողջության իրավունքը պաշտպանված է օրենքով։ ՀՀ արդարադատության նախարարից սկսած, մինչ միջին կալիբրի գերատեսչությունների ղեկավարներ, կցկտուր մտքեր էին արտահայտում այս առումով։ Թերևս միակ հոդաբաշխ վերաբերմունքն արտահայտեց Մարդու իրավունքների պաշտպանը։ Այն պահին, երբ հայտնվեց տեղեկատվություն առ այն, որ Մարդու իրավունքների եվրոպական դատարանը որոշել է Շիրխանյանի հայցը քննել առաջնահերթության կարգով, նրան միանգամից տեղափոխեցին բժշկական կենտրոն ՝ հետազոտության։ Սա խոսում է ՀՀ տարբեր համակարգերի քաղաքական ու իրավական անկարողության ու հերթական անգամ, դրսից վախենալու հանգամանքի մասին։ Փաստաբան Ալումյանի խոսքերով, Շիրխանյանն այնքան վատ է, որ կարող է մինչ դատական պրոցեսը չապրել։ Սա էլ առավել խճճված է դարձնում իրավիճակը։ Այս ֆոնին հարկ է հիշել Շիրխանյանի չկայացած ասուլիսը, որը սկզբում չմերժեցին, բայց այնուհետ, ծիծաղելի պատճառաբանություններով չեղարկեցին։ Ի՞նչն է ստիպում իշխանությանը նման կերպ վարվել Շիրխանյանի հետ, և աջակցել նրա դանդաղ, բայց հիմնավոր մահվանը։ Չենք կարծում, թե սա կապվում է 2008–ի հայտնի իրադարձությունների հետ, երբ նա, ինչպես այդ օրերին շատերը, աջակցում էր Տեր–Պետրոսյանին։ Դրվագը չի կարող կապվել նաև նրա քաղաքական բարձր պաշտոն զբաղեցնելու հետ։ Այդպիսի պրակտիկա Հայաստանում գրեթե չկա։ Սա նշանակում է մի բան, որ նոր իրողությունների հետ կապված, Շիրխանյանն ունի լրջագույն ինֆորմացիա։ Եվ եթե հիմա, ճաղերի հետևից չի կարող այն հնչեցնել, ելնելով բազմաթիվ արգելող հանգամանքներից, ապա դատարանի դահլիճում հանգիստ դա կարող է անել, քանի որ, այլևս կորցնելու ոչինչ չունի։ Բայց ո՞ւմ համար դա կարող է տհաճ լինել։ Հաշվի առնելով Հայաստանի ներկա քաղաքական միջավայրը և միմյանց փոխկապակցված կառույցների բացարձակ ուզուրպացիան, ինչպես նաև վերից վար կոռումպացված սիստեմը, ապա ինֆորմացիայի տիրապետող անձը կարող է վնասել շատերին, այդ թվում քաղաքական բարձր պոստերում կանգնածներին, ինչպես հիմա դա անում է Վահան Բադասյանը։ Չենք կարծում նաև, որ Շիրխանյանը նման ինֆորմացիա կարող է ունենալ և հրապարակել իր փոխնախարար եղած տարիներից։ Փորձը ցույց է տալիս, որ բոլոր նախկին պաշտոնյաները կոռեկտ են այս հարցում, և Հայաստանի միջազգային հեղինակությունը կասկածի դնող կամ պետական գաղտնիք համարվող որևէ տվյալ չեն հրապարակայնացնում։ Նշանակում է, նրա նկատմամբ մաղձն ունի նոր մոտիվներ, որոնք հայտնի չեն հասարակությանը։ Կարող է լինել նաև հակառակ վիճակը։ Ի սկզբանե պնդել ենք, որ չենք բացառում զինված խմբի գործի հերթական ֆարս կամ շոու լինելը։ Ուստի, Շիրխանյանի բացահայտումները կարող են պայթեցնել այդ ենթադրյալ շոուն։ Սպասենք գործերի հերթական զարգացմանը, և հույս հայտնենք, որ Շիրխանյանը կհաղթահարի առողջական խնդիրները և հասարակությունը կստանա որոշ հարցերի պատասխաններ։
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
