Շենգավիթ բժշկական կենտրոնը՝ բժշկական օգնության և սպասարկման որակի միջազգային նոր մակարդակում
Շենգավիթ բժշկական կենտրոնը հերթական կարևոր ձեռքբերումն է արձանագրել՝ արժանանալով ISO 9001:2015 և ISO 7101:2023 միջազգային հավաստագրերին։ Այս միջազգային ստանդարտները փաստում են, որ բժշկական կենտրոնի գործունեությունը կազմակերպվում և կառավարվում է միջազգային լավագույն չափանիշներին համապատասխան՝ ապահովելով որակի շարունակական զարգացում, արդյունավետ կառավարում և պացիենտակենտրոն մոտեցում։
ISO 9001:2015-ը հաստատում է, որ կենտրոնում ներդրված է որակի կառավարման արդյունավետ համակարգ, իսկ ISO 7101:2023-ը՝ առողջապահական կազմակերպությունների համար մշակված առաջին միջազգային ստանդարտը, սահմանում է բժշկական ծառայությունների որակի կառավարման նոր մոտեցումներ՝ առաջնահերթ համարելով պացիենտի անվտանգությունը, կլինիկական և վարչական գործընթացների արդյունավետ կառավարումը, բուժանձնակազմի բարեկեցությունն ու առողջապահական ծառայությունների կայուն զարգացումը։
Ինչպես նշել է Շենգավիթ բժշկական կենտրոնի գլխավոր տնօրեն Ալեքսանդր Ուռումյանը` այս ձեռքբերումը բժշկական կենտրոնի համար շատ ավելի մեծ նշանակություն ունի, քան միջազգային հավաստագրերի ստացումը։
«Մեզ համար սա պարզապես երկու միջազգային հավաստագիր չէ։ Սա մեր աշխատանքի փիլիսոփայության, պատասխանատվության և ամենօրյա գործունեության միջազգային գնահատականն է։ Այսօր կարող ենք վստահ ասել, որ Շենգավիթ բժշկական կենտրոնում որակի վերահսկումը դարձել է կազմակերպության մշակույթի անբաժանելի մասը։ Մենք ստեղծել ենք այնպիսի միջավայր, որտեղ յուրաքանչյուր գործընթաց, յուրաքանչյուր որոշում և յուրաքանչյուր քայլ միտված են պացիենտի անվտանգության, վստահության և բարձրակարգ բժշկական օգնության ապահովմանը»,– ընդգծել է Ալեքսանդր Ուռումյանը։
Նրա խոսքով՝ միջազգային այս հավաստագրերը միաժամանակ նոր պատասխանատվություն են բժշկական կենտրոնի համար։
«Այս կարևոր ձեռքբերումը մեզ պարտավորեցնում է շարունակաբար կատարելագործել կառավարման և բժշկական ծառայությունների որակը, ներդնել միջազգային լավագույն փորձը և զարգացնել այնպիսի առողջապահական միջավայր, որը կհամապատասխանի միջազգային ամենաբարձր չափանիշներին։ Մեր գլխավոր նպատակը մնում է անփոփոխ՝ ապահովել անվտանգ, ժամանակակից և բարձրակարգ բժշկական օգնություն յուրաքանչյուր պացիենտի համար»,– նշել է գլխավոր տնօրենը։
Շենգավիթ բժշկական կենտրոնը շարունակում է վստահորեն զարգանալ՝ ամրապնդելով իր դիրքը` որպես միջազգային չափանիշներին համապատասխան գործող առողջապահական կազմակերպություն և հետևողականորեն ներդնելով այնպիսի համակարգեր, որոնք նպաստում են առողջապահական ծառայությունների որակի շարունակական բարձրացմանը։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
