Ի՞նչ չպետք է անի կինը սեքսից հետո

Մանրակրկիտ լվացվել ցնցուղի տակ

Կանանցից շատերը պաշտում են սեքսից հետո մտնել ցնցուղի տակ կամ լոգանք ընդունել՝ տրորելով մաշկը գելով։ Սակայն դա կտրականապես արգելվում է անել։ Առաջին հերթին՝ ցանկացած հիգիենիկ նյութ չորացնում է բնական քսուքը, իսկ երկրորդ հերթին՝ օրգազմից հետո ինտիմ հատվածների մաշկը գերզգայուն է դառնում եւ գելեր ու քսուքներ օգտագործելուց հետո այն կարող է ալերգիկ ռեակցիա տալ։

Քնել էրոտիկ ներքնաշորով

Սովորաբար նման ներքնազգեստը կարում են ատլասից, մետաքսից կամ նեյլոնից, եւ սեքսից հետո, երբ քո մարմինը տաքացած է եւ կարող է քրտնել, նման ներքնաշոր կրելը կարող է գրգռել մարմինը։ Այդ պահերին ավելի ավելի լավ է քնել սովորական բամբակյա սպիտակեղենով, վատագույն դեպքում՝ առանց դրա։

Տաք լոգանք ընդունել, հատկապես ջակուզի

Դա իրոք չի կարելի անել, քանի որ սեքսից հետո ձեր օրգանիզմն առավելագույնս բաց է վնասակար մանրէների համար, եւ տաք ջուրը քայքայում է մաշկի պաշտպանիչ շերտը։

Բաց թողնել զուգարան գնալը

Սեքսից հետո վնասակար մանրէները կարող են հեշտությամբ անցնել միզապարկ, եթե դուք չհասցնեք ժամանակին միզել։ Ցանկալի է՝ սեռական ակտից հետո 1 ժամվա ընթացքում։ Ընդ որում, մաքրվեք ինտիմ հիգիենայի անձեռոցիկով, որպեսզի խուսափեք վնասակար միկրոօրգանիզմների ներթափանցումից։

Անմիջապես պառկել քնելու

Որքան էլ որ ցանկանաք, դա հիգիենիկ չէ։ Այդպես կարող եք մանրէներից առաջացած մաշկի գրգռում ստանալ։ Դրանց պետք է թեթեւ ցնցուղով մաքրել մաշկի վրայից։