«Աշտարակ–կաթը» որոշել է պայքարել. «Փաստ»
«Փաստ» օրաթերթը գրում է.
Պարզվում է կաթնամթերք արտադրող ամենատարեց ընկերություններից մեկի՝ «Աշտարակ–կաթ» ընկերության աշխատանքը դադարեցնելու հանգամանքը անհանգստացրել է նաև ՀՀ տնտեսական զարգացման և ներդրումների նախարարությանը: Ներկայումս փոխնախարար Տիգրան Խաչատրյանը զբաղված է այդ հարցի ուսումնասիրությամբ և արդեն մի շարք հանդիպումներ է ունեցել ոչ միայն ընկերության ղեկավարության, այլև արտադրական շղթայի մասնակից այլ օղակների ներկայացուցիչների հետ:
ՀՀ տնտեսական զարգացման և ներդրումների նախարարի մամլո խոսնակ Աննա Օհանյանը «Փաստին» ասաց, որ փոխնախարարն այս պահին հանդիպումներ է ունենում «Աշտարակ–կաթ» ընկերության գործընկերների հետ:
«Հանդիպումներն այս պահին գաղտնի փուլում են և հրապարակման ենթակա չեն: Այս փուլում նախարարությունն անընդհատ կապի մեջ է նաև ընկերության հետ՝ հասկանալու համար, թե փոխադարձ ինչ առաջարկություններ կարող են լինել»,– ասաց մամլո խոսնակը:
Այն, որ խոսքը առաջացած ֆինանսական խնդիրների մասին է` պարզ է, սակայն ինչու առաջացած խնդիրները ենթակա չեն հրապարակման՝ այդքան էլ հասկանալի չէ: Եվ իրականում ո՞ւմ շահերից է բխում առաջնային ինֆորմացիան թաքցնելը: Չէ՞ որ տնտեսության առողջացման համար շատ կարևոր է իմանալ, թե իրականում ում մեղքով են փլվում ընկերությունները: Իսկ շուկայի 40%–ը զբաղեցնող և 600–ից ավելի աշխատակից ունեցող կաթնամթերքի արտադրությամբ զբաղվող այս հսկայի փլուզումը կարող է նույնիսկ տիպային լինել մյուս ուսումնասիրությունների ու բացահայտումների համար: Առավել ևս, որ բոլորը գիտեն, որ նշված ընկերության ֆինանսական դժվարությունները նոր չեն, և դրանք սկսվել են տարիներ առաջ:
Թե ինչքան կտևեն բանակցությունները և ինչ ավարտ կունենան՝ պարզ կլինի առաջիկայում: Եվ արդյո՞ք կաթնամթերքի արտադրությամբ զբաղվող շուկայի առաջատարը այդքան հեշտ կհանձնվի՝ ցույց կտա ժամանակը, բայց որ ինչպես բանան ներկրող անհատին, այնպես էլ այս հսկա ընկերության համար օդ ու ջրի նման կարևոր է եղել վարչապետի թեժ գիծը՝ հետաքրքիր է, որն էլ իր հերթին նոր մտորումների տեղիք է տալիս:
Շարունակությունը` «Փաստ» օրաթերթի այսօրվա համարում:
Հայկ Կազազյանը՝ Մադեյրայի դասական նվագախմբի 2025/2026 համերգաշրջանի փակման համերգի մենակատար
Վթար է․ ջուր չի լինելու մի շարք հասցեներում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Վիեննական երեկո Կապանում դիմակահանդես և վալս
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Հերթական կին քաղբանտարկյալը «ժողովրդավարության բաստիոնում»․ Գոհար Մելոյան
Գյուղական բնակավայրերում աշակերտների սովորելու ձգտումն ավելի մեծ է, քան Երևանում. Ատոմ Մխիթարյան
Յունիբանկը կխաղարկի ուղևորություն դեպի Իտալիա
Լինելու ենք Հայաստանի բոլոր մարզերում, դառնալու ենք մեր ժողովրդի ձայնը ԱԺ-ում. Նարեկ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
