Զելենսկին Թրամփին կոչ է արել պատերազմն ավարտելու համար ավելի շատ ճնշում գործադրել Պուտինի, այլ ոչ թե իր վրա
Պատերազմն ավարտելու համար ԱՄՆ-ն պետք է ավելի շատ ճնշում գործադրի Ռուսաստանի վրա, այլ ոչ թե Ուկրաինայի, Politico-ին տված հարցազրույցում հայտարարել է Ուկրաինայի նախագահ Վլադիմիր Զելենսկին: «Ես կարծում եմ և հավատում եմ, որ ամերիկացիներն իրոք ցանկանում են վերջ տալ այս պատերազմին: Հույս ունեմ, որ նրանք կօգնեն մեզ, բայց մեզ ավելի շատ ճնշում է պետք Ռուսաստանի վրա, այլ ոչ թե իմ», - ասել է Զելենսկին: Նրա խոսքով՝ ուկրաինացիները հոգնել են ավելի քան չորս տարի տևող ռազմական գործողություններից, սակայն պատրաստ չեն ընդունել Դոնբասը հանձնելու վերաբերյալ Ռուսաստանի պահանջները:
Ուկրաինայի առաջնորդը նաև խոստովանել է, որ ԱՄՆ նախագահ Դոնալդ Թրամփը ճիշտ է, երբ ասում է, թե ինքը (Զելենսկին) «ատում է» Վլադիմիր Պուտինին։ Սակայն, ինչպես նշել է Զելենսկին, խաղաղության հասնելու խնդիրը վեր է էմոցիաներից և Ռուսաստանի նախագահի նկատմամբ իր անձնական վերաբերմունքից։ «Ոչ ոք չի ասում, թե որևէ մեկը ընկերություն է անելու մյուսի հետ։ Ոչ մի ընկերություն։ Նա փորձեց օկուպացնել մեզ։ Մենք պատասխանեցինք և նա բազմաթիվ զինվորականներ կորցրեց։ Ուստի հասկանալի է նման վերաբերմունքը, բայց մեզ խաղաղություն է պետք։ Խաղաղությունը էմոցիոնալ բան չէ։ Ատելությունը էմոցիա է։ Խնդիրը անձնական վերաբերմունքի մեջ չէ։ Խնդիրը անհատների մեջ չէ»,- պարզաբանել է Ուկրաինայի նախագահը։ Նա հավելել է, որ խաղաղության պայմանագիրը «մարդկանց ապրելու հնարավորություն կտա»։
Անցյալ շաբաթ Թրամփը հայտարարել էր, որ Զելենսկին, իր կարծիքով, բավարար պատրաստակամություն չի ցուցաբերում Ռուսաստանի հետ պատերազմն ավարտելու համար և «խոչընդոտ» է խաղաղության ճանապարհին։ «Զելենսկին պետք է գործի անցնի և գործարք կնքի», — ասել է Սպիտակ տան ղեկավարը՝ հավելելով, որ ուկրաինացի առաջնորդը նախկինում էլ «հաղթաթղթեր չուներ», իսկ այժմ դրանք «էլ ավելի են քչացել»։ Միևնույն ժամանակ նա պնդել է, որ Պուտինը պատրաստ է ստորագրել խաղաղության համաձայնագիրը։ Նմանատիպ հայտարարություններ Թրամփն արել էր նաև նախկինում։
Բաց խոսակցություն պետական համակարգի հետ. Հրաչյա Ռոստոմյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Փոփոխությունը սկսվում է քեզանից․ արի՛, քվեարկի՛ր․ հունիսի 7-ին՝ համար 3-ին
Հունիսի 3-ին մենք նշում ենք մեր մեծ հաղթանակի սկիզբը. Սամվել Կարապետյան
Երևանում Մարգարյան-Հալաբյան փողոցների խաչմերուկում բшխվել են «Tesla»-ն, «Subaru»-ն և «Honda»-ն
«Շատ մարդկային վերաբերմունք ունես». Խնձորեսկի տարեց բնակիչը գովեց Մարուքյանին
