Հարսնացուն՝ Birkenstocks-ով. 1300 դոլար արժողությամբ դիզայներական կոշիկները համացանցը բաժանել են երկու ճամբարի
Հարսանեկան նորաձևության աշխարհում ի հայտ է եկել նոր միտում, որը առցանց քննարկումների փոթորիկ է առաջացրել. հարսանեկան Birkenstocks-երը: Այս շքեղ հավաքածուն հայտնի կոշիկի ապրանքանիշի և հարսանեկան զգեստների դիզայներ Դանիել Ֆրանկելի համագործակցության արդյունքն է։
Նրանց համար, ովքեր չեն ցանկանում ընտրություն կատարել ոճի և հարմարավետության միջև, ամենամատչելի զույգերն արժեն 1300 դոլար, մինչդեռ բացառիկ անհատական դիզայնը կարող է արժենալ մինչև 3500 դոլար: Փեսացուները նույնպես ունեն տարբերակներ՝ սև Birkenstocks՝ 1200 դոլարով։
Հավաքածուի թողարկումը մեծ իրարանցում է առաջացրել սոցիալական ցանցերում: Որոշ օգտատերեր կտրականապես մերժում են նոր ոճը. «Ոչ, ես չեմ ուզում տեսնել փեսացուի մատները հարսանիքին», «Մի՞թե ես միակն եմ, ով չի խենթանում այս սանդալների համար»։
Մյուսները ոգևորությամբ են ընդունել գաղափարը։
Սիդնեյում բնակվող հարսանեկան ոճաբան Ալարնա Հոուփը նշել է, որ շատ զույգեր այժմ ընտրում են ոչ այնքան ավանդական կոշիկներ, հատկապես «միկրոհարսանիքների» և բացօթյա արարողությունների համար: Այնուամենայնիվ, նա կասկածում է, որ հարսանեկան Birkenstocks-երը կդառնան երկարաժամկետ միտում: «Այո, կոշիկները հիանալի տեսք ունեն ցուցադրության ժամանակ, բայց իրական կյանքում դա միշտ չէ, որ աշխատում է: Այս սանդալների համար ամենահարմար տեղը լողափնյա հարսանիքն է: Դրանք սկզբնապես նախատեսված էին դրսում, ավազի վրա զբոսնելու համար»,-ասում է նա:
Հոուփը նաև նշել է հավաքածուի բարձր գինը: «Դուք կարող եք գտնել հարմարավետ և գեղեցիկ հարսանեկան կոշիկներ շատ ավելի քիչ գումարով, որոնք կատարյալ են ամբողջ օրը կրելու և ամբողջ գիշեր պարելու համար»:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
