ԱՄՆ-ում հզոր ձնաբքի հետևանքով առնվազն 30 մարդ է զnհվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ-ում հզոր ձնաբքի հետևանքով առնվազն 30 մարդ է զոհվել, հայտնում է Associated Press-ը։

Հունվարի 26-ին տեղի ունեցած հզոր ձմեռային փոթորկից հետո, որն ավելի շատ ձյուն է բերել հյուսիս-արևելք և սառույցով ծածկել հարավի որոշ հատվածներ, ամերիկացիներից շատերը կրկին բախվում են զրոյից ցածր ջերմաստիճան եղանակի և էլեկտրաէներգիայի գիշերային անջատումների։

Ձյան առատ տեղումները կաթվածահար են արել երթևեկությունը։ Չվերթները չեղարկվել են, իսկ դպրոցները՝ փակ։

Ազգային օդերևութաբանական ծառայության տվյալներով՝ Փիթսբուրգից հյուսիս գտնվող տարածքներում մինչև 50 սմ ձյուն է տեղացել, իսկ քամու պատճառով ջերմաստիճանը նվազել է մինչև -31 աստիճան ցելսիուս։

Հունվարի 26-ին ABC-ն, հղում անելով Ազգային օդերևութաբանական ծառայության տվյալներին, հաղորդել է, որ Միացյալ Նահանգներում տարածվող հզոր ձնաբքից տուժել է մոտ 200 միլիոն մարդ։ Որոշ շրջաններում ձյան շերտի հաստությունը հասել է գրեթե 40 սմ-ի։