Նիկոլ Փաշինյանը հարամեց նաև Սուրբ Ծնունդը
Երեկ՝ Հիսուս Քրիստոսի Ծննդյան և Աստվածհայտնության տոնին, Նիկոլ Փաշինյանը՝ տիրադավ եպիսկոպոսների, պետական համակարգի աշխատակիցների ուղեկցությամբ, հերթական գործողությունն է իրականացրել ընդդեմ Հայ Առաքելական Եկեղեցու։ Մասնակցել է պատարագի Սուրբ Գրիգոր Լուսավորիչ Մայր Տաճարում, ապա «ուՂտերթ» իրականացրել դեպի Սուրբ Աննա եկեղեցին։ Ընդ որում, հերթական անգամ «Կրթվելը նորաձև է» շարժման պարագլուխները ցույց են տվել իրենց անգրագիտությունը՝ «ուխտ» բառը «ուղտ» գրելով։ Իսկ արդեն Սուրբ Աննա եկեղեցու մոտ դրված մեծ բեմից ելույթ ունենալով՝ Փաշինյանը հայտարարել է, թե եկեղեցին ոմանք փորձ են անում օգտագործել որպես հենման կետ Հայաստանի Հանրապետության դեմ գործելու համար։
Թե ովքեր են այդ ոմանք, Փաշինյանն, իհարկե, չի մանրամասնել, բայց և իշխանության հռետորաբանությունից և տարածված հայտարարություններից կարելի է ենթադրել, որ նրանք Ռուսաստանին են մեղադրում Հայ Առաքելական Եկեղեցու վրա ազդեցություն ունենալու մեջ։ Հիշեցնենք՝ Ամենայն Հայոց Կաթողիկոսի եղբորը՝ Եզրաս արքեպիսկոպոսին բացեիբաց մեղադրում են ռուսական հատուկ ծառայությունների գործակալ լինելու մեջ։ Փաշինյանն օրերս իր մոտ էր հավաքել 10 եպիսկոպոսների, նրանց հետ ինչ-որ փաստաթուղթ ստորագրել՝ իբր եկեղեցու նորոգման ճանապարհային քարտեզ հռչակելով։
Ընդ որում, ինքն էլ իր ստորագրությունը դնելով այդ փաստաթղթի տակ, նա հերթական հակասահմանադրական արարքն է արել, հստակ արձանագրելով, որ պետությունը խառնվում է եկեղեցու ներքին գործերին, ինչը, նշենք, արգելված է Հայաստանի Հանրապետության Սահմանադրությամբ։ Ըստ էության, Փաշինյանի այս գործողությունները վկայում են, որ նա բավականին լուրջ է տրամադրված և վճռական է առաջ տանելու իր նպատակները։
Այս առումով բավական տարակուսելի է ընդդիմության և հավատացյալների մեծ մասի պասիվ կրավորական պահվածքը։ Թեպետ Փաշինյանի ու հակաեկկեղեցական արշավ արշավանքին շատ մարդիկ չեն մասնակցում, բայց և հավատացյալների և ընդդիմադիրների մի զգալի մասն էլ չի մասնակցում հանուն եկեղեցու իրականացվող գործողություններին, ինչն էլ դեռևս իշխանության մոտ հույսեր է առաջացնում, որ կարող են հասնել իրենց ապազգային նպատակներին։
Ուստի 2026 թվականին հարկավոր է, որ ընդդիմությունն ու հասարակ քաղաքացիներն ավելի ակտիվ մասնակցեն հօգուտ եկեղեցու իրականացվող հավաքներին, այդ կերպ իշխանությանը զրկելով իր հիմնական կռվաններից։
Սոնա Գալստյան
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Սահմանների պաշտպանությունն ու առկա մարտահրավերները. ի՞նչ պետք է անի Հայաստանը. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
2023 թվականի ադրբեջանական ագրեսիան, դրա հետևանքով հայերի բռնագաղթը բխում էին ՀՀ ներկայիս ռեժիմի քաղա...
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
