Հայաստանի իշխանությունները միջանցք են տալիս Ադրբեջանին այն պարագայում, երբ չկա Լաչինի միջանցքը, չկա Արցախը և Արցախում ապրող հայեր չկան․ Էդմոն Մարուքյան
Էդմոն Մարուքյանը տելեգրամյան իր ալիքում գրել է․
Սիրելի հայրենակիցներ,
Այն նույն գիշերը, երբ Վաշինգտոնում հռչակագիր ստորագրվեց, ես հայտարարեցի, որ եթե այդ փաստաթուղթը ԱՄՆ-ի և ՀՀ-ի հարաբերությունների մասին է, ապա Ադրբեջանի նախագահը չպետք է այն ստորագրեր։
Մինչդեռ պարզվեց, որ դա Ադրբեջանի և Հայաստանի միջև ստորագրված հռչակագիր է՝ Ադրբեջանին անխոչընդոտ միջանցք հանձնելու մասին, իսկ ԱՄՆ նախագահը հանդես է եկել որպես այդ գործարքի վկա։
Եվ ահա, Ադրբեջանի ԱԳ նախարարի այսօրվա հայտարարությունն այն մասին, որ «Հայաստանի հետ խաղաղության համաձայնագրի ստորագրման համար անհրաժեշտ է TRIPP-ի պարտավորությունների ամբողջական կատարում» գալիս է հաստատելու մտահոգությունները, որոնք ես օգոստոս ամսից բարձրաձայնում եմ։
Հայաստանի Հանրապետությունը միջանցք տալու պարտավորություն է ստանձնել և քայլեր է ձեռնարկում այդ ուղղությամբ, իսկ Ադրբեջանը սպասում է և ժամանակ առ ժամանակ հիշեցնում ՀՀ իշխանություններին միջանցքի պարտավորության մասին։
Ստացվում է, որ բացի նոր Սահմանադրություն ընդունելուց, խաղաղության պայմանագրի նախապայմաններից է նաև Սյունիքով միջանցքի տրամադրումը։
Սա է մեր իրականությունը.
Հայաստանի իշխանությունները միջանցք են տալիս Ադրբեջանին այն պարագայում, երբ չկա Լաչինի միջանցքը, չկա Արցախը և Արցախում ապրող հայեր չկան…
Մենք հնարավորություն ունենք մեզ խաբող մարդկանց փոխել նոր մարդկանցով, և դա անելու ենք սպասվող ընտրություններով:
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Սահմանների պաշտպանությունն ու առկա մարտահրավերները. ի՞նչ պետք է անի Հայաստանը. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
2023 թվականի ադրբեջանական ագրեսիան, դրա հետևանքով հայերի բռնագաղթը բխում էին ՀՀ ներկայիս ռեժիմի քաղա...
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
