Փաշինյանը խնդիրների է բախվելու նոր Սահմանադրության հարցում
Նիկոլ Փաշինյանի գլխավորությամբ տեղի է ունեցել Սահմանադրական բարեփոխումների խորհրդի նիստը։ Կառավարության հաղորդմամբ՝ «մանրամասներ են ներկայացվել իշխանությունների լիարժեք հավասարակշռման և փոխզսպման մեխանիզմների ամրապնդման, իրավական կառուցակարգերի հետագա կատարելագործման, հանրային կառավարման ինստիտուտների արդյունավետության բարձրացման, ինչպես նաև սահմանադրական ինստիտուտների կայունության և գործունակության ապահովմանն ուղղված կարգավորումների վերաբերյալ»։
Նշվում է, թե Սահմանադրական կարգավորումների վերանայմանն առնչվող հարցերի շրջանակում ծավալվել է մտքերի փոխանակություն, ներկայացվել են դիտարկումներ և առաջարկություններ՝ սահմանադրական սկզբունքների, իրավական կանխատեսելիության, ինչպես նաև իրավական պետության ամրապնդման տեսանկյունից։
Թեպետ Փաշինյանն արդեն իսկ որոշում է կայացրել, որ սահմանադրական հանրաքվեն խորհրդարանական ընտրությունների հետ միաժամանակ չի անցկացվելու, բայց և գործող իշխանությունները շտապում են ներկայացնելու նոր Սահմանադրության իրենց մակետը՝ դա ևս օգտագործելու նախընտրական քարոզչության մեջ, ինչպես նաև Ադրբեջանի հետ շփումներում։ Փաշինյանական իշխանությունը հրաշալի հասկանում է, որ չափազանց լուրջ խնդիրների է բախվելու նոր Սահմանադրություն անցկացնելու հարցում։
Հանրությունն իր գերակշիռ մեծամասնությամբ դեմ է այն Սահմանադրությանը, որը փորձում են փաթաթել իր վզին, որտեղ Ադրբեջանի կողմից ներկայացված նախապայմանների կատարումն է լինելու։ Փաշինյանական իշխանությունը փորձում է հնարավորինս մանևրել, խուսանավել և իր թուրք-ադրբեջանական գործընկերներին համոզել, թե իբր իրենք խիստ շահագրգռված են Սահմանադրության ընդունմամբ։ Խորհրդարանական ընտրություններից հետո, եթե Նիկոլ Փաշինյանին հաջողվի մեծամասնություն ձևավորել, իշխանություններն արդեն սկսելու են լուրջ աշխատանք տանել Սահմանադրության ընդունման ուղղությամբ։
Ըստ ամենայնի, այդ հանրաքվեն, նման զարգացման դեպքում, տեղի կունենա 2027 թվականին, իսկ մինչ այդ գործող իշխանությունները ունեն թիվ մեկ կարևորության խնդիր՝ ամեն գնով վերարտադրվել 2026 թվականին։
Սոնա Գալստյան
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Սահմանների պաշտպանությունն ու առկա մարտահրավերները. ի՞նչ պետք է անի Հայաստանը. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
2023 թվականի ադրբեջանական ագրեսիան, դրա հետևանքով հայերի բռնագաղթը բխում էին ՀՀ ներկայիս ռեժիմի քաղա...
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
