Եվրամիությունը Հայաստանում մոլդովական սցենար է գործարկում
Հայաստանի արտգործնախարար Արարատ Միրզոյանը երեկ Բրյուսելում նոր համագործակցության փաստաթուղթ է ստորագրել Եվրամիության պաշտոնյաների հետ։ Հայտարարված նպատակների և թիրախների մեջ առանցքայիններից մեկը Եվրամիության խոստումն է՝ 15 միլիոն եվրո հատկացնել Հայաստանին՝ հակառուսական քարոզչության համար։ Միրզոյանը նախ հանդիպել է Եվրամիության ընդլայնման հարցերով հանձնակատար Մարթա Կոսին, ով հայտարարել է, թե Ռուսաստանն ու իր արբանյակները ապատեղեկատվական արշավ են իրականացնում Հայաստանում խորհրդարանական ընտրություններին ընդառաջ և այդ մարտահրավերը հաղթահարելու համար 15 միլիոն եվրո է տրամադրվելու։ «Մենք տեսնում ենք նույն ցանցերը, որ օգտագործվել են Մոլդովայում, այսինքն, սցենարը նույնն է, ԵՄ ֆինանսավորումը կօգնի հայտնաբերել ու արձագանքել նման ազդեցություններին»,- իր հերթին ասել է Եվրամիության դիվանագիտության ղեկավար Կայա Կալասը՝ նշելով, որ այդ գումարն ուղղվելու է խաղաղությանը և ավելի դիմակայուն Հայաստանին։
Դիվանագիտական ձևակերպումներն ու վերամբարձ արտահայտությունները հանելով, սա ընդամենը նշանակում է, որ Եվրամիությունը հսկայական գումարներ է ծախսելու Հայաստանում մոլդովական սցենարի իրականացման նպատակով։ Դեռևս շաբաթներ առաջ մամուլում տեղեկություններ էին տարածվել, որ Հայաստանի իշխանությունները խորհրդատվական և քաղաքական աջակցություն են խնդրել Եվրամիությունից՝ մոլդովական սցենարը Հայաստանում իրականացնելու համար։ Եվ երեկ տեղի ունեցած հանդիպումն էլ հենց այդ խնդրանքը բավարարելու համար էր։
Եվրամիությունը այդ գումարը հատկացնելու է տեղական լրատվամիջոցներին, ինչպես նաև մի շարք խմբերի, որոնք ժամանելու են Հայաստան՝ Փաշինյանին և իշխանական քարոզչամեքենային օգնություն ցուցաբերելու, նաև իրավաբանական ձեռնարկներ կազմելու, թե ինչպես խորհրդարանական ընտրություններից առաջ հետապնդումներ իրականացնեն տարբեր ընդդիմադիր ուժերի նկատմամբ։ Որոշ ուժերի էլ ընդհուպ փակելով, թույլ չտալով նրանց մասնակցությունը խորհրդարանական ընտրություններին, ինչպես տեղի ունեցավ Մոլդովայում։ Ըստ էության, Եվրամիությունը որոշել է ատամներով պաշտպանել Փաշինյանին և բոլորովին էլ, և մտադիր է աչք փակել նա բոլոր ապօրինություների վրա։
Լուսինե Մուրադյան
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Սահմանների պաշտպանությունն ու առկա մարտահրավերները. ի՞նչ պետք է անի Հայաստանը. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
2023 թվականի ադրբեջանական ագրեսիան, դրա հետևանքով հայերի բռնագաղթը բխում էին ՀՀ ներկայիս ռեժիմի քաղա...
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
