Հերթական հանրահավաքը. ինչի՞ց են դժգոհ պետական կառույցների աշխատակիցները. «Փաստ»
«Փաստ» օրաթերթը գրում է.
Նիկոլ Փաշինյանը նախընտրական հանրահավաքների շարք է սկսել, որոնք իրականացնում է հանգստյան օրերին: Կիրակի օրերի կեղծպատարագային հանրահավաքներին զուգահեռ այս անգամ որոշել է «իրար գլուխ» հավաքել պետական կառույցների աշխատակիցներին:
Խոսքն այսօր Կարեն Դեմիրճյանի անվան մարզահամերգային համալիրում նախատեսվող միջոցառման մասին է, որը կրում է «Պետական մարմինների ներկայացուցիչների համաժողով» անունը: Բնականաբար, ինչպես նշվում է վարչապետի աշխատակազմից բարձրաստիճան պաշտոնյաներին ուղարկված ցուցում-շրջաբերականում, համաժողովի ընթացքում բանախոսությամբ հանդես է գալու Նիկոլ Փաշինյանը:
Մեր ունեցած տեղեկություններով, Նիկոլ Փաշինյանը նման խոշորամասշտաբ միջոցառմամբ փորձում է առավելագույնը «համախմբել» վարչական ռեսուրսը, քանի որ հիանալի հասկանում է, որ 2026 թվականին արդար, ազնիվ ընտրություններով հաջողության հասնելու որևէ նույնիսկ տեսական շանս չունի:
Ինչ վերաբերում է այս հավաքի մասնակիցներին, ապա սկսյալ նախարարներից մինչև մարզպետներ հանձնարարություն ունեն պատշաճ մարդաքանակ ապահովել պետական կառույցների աշխատակիցներից, այդ թվում՝ ՏԻՄ-երից: Ըստ տեղեկությունների, բոլորին զգուշացվել է, որ կազմակերպությունները խմբերով են տեղափոխվելու և մանրամասն «ներկա-բացակա» է արվելու: Նաև «իրազեկվել» է, թե չմասնակցելու դեպքում ինչ հետևանքներ կարող են լինել: Ի դեպ, կազմակերպված տեղափոխության մասին նշվում է նաև վերոնշյալ շրջաբերականում՝ Համալիրի մոտ խցանումներից խուսափելու ձևակերպմամբ. «Հորդորում ենք ապահովել մասնակիցների կենտրոնացված ժամանումը՝ ապահովելով միասնական փոխադրամիջոց»:
Մեր աղբյուրները փոխանցում են, որ պետական կառույցների աշխատակիցների շրջանում մեծ դժգոհություն կա, որ ստիպված են շաբաթ օրով տնից-տեղից կտրվել ու մասնակցել նման հանրահավաքի՝ մի քանի ժամ շարունակ լսելով Նիկոլ Փաշինյանի ձայնը...
Մանրամասները՝ «Փաստ» օրաթերթի այսօրվա համարում
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Սահմանների պաշտպանությունն ու առկա մարտահրավերները. ի՞նչ պետք է անի Հայաստանը. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
2023 թվականի ադրբեջանական ագրեսիան, դրա հետևանքով հայերի բռնագաղթը բխում էին ՀՀ ներկայիս ռեժիմի քաղա...
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
