Երբ ամբողջ իրավապահ համակարգը դրված է մեկ անձի սպասարկման ներքո, վիճակն էլ այս պետք է լինի. «Փաստ»
«Փաստ» օրաթերթը գրում է.
Այն, որ երկրի իրավապահ համակարգը դրված է մեկ անձի սպասարկման տակ և բառի բուն իմաստով չի կատարում իր անմիջական գործառույթները, ակնհայտ է: Արդյունքում իրավապահ համակարգը ուղղակի չի կատարում իր անմիջական գործառույթները: Ամեն օր ենք դրանում համոզվում:
Ու, գիտեք, սա այն դեպքը չէ, որ մեկ անգամ արձանագրեցինք, և վերջ՝ կարող ես արդեն համակերպվել այդ վիճակի հետ: Դա ոչ մի կերպ համակերպվելու չէ:
Ասենք՝ օրը ցերեկով բանուկ փողոցում, բազմաթիվ մարդկանց աչքի առաջ դանակահարում են, սպանում են երիտասարդի, ապա թողնում և հեռանում: Ամեն օր լրահոսում տարբեր տեղեկություններ են սպանությունների, վեճերի, «տուրուդմփոցի»:
Մյուս կողմից՝ պարբերաբար սոցցանցերում հատնվում են տեսանյութեր, որոնցում արտացոլված է երթևեկության հետ կապված խայտառակ վիճակը: Ասենք, ինչո՞ւ տեսանյութեր: Մեզանից ո՞վ նման տեսարանների ականատես չի դարձել, մանավանդ վերջին շրջանում: Աջուձախ «ճռռացնում» են: Դա դեռ՝ գլուխը՝ քարին, անիվը՝ «բորդյուրին»: Բա որ չարամտորեն խախտում են կանոնները, թափով մտնում հանդիպակաց երթևեկության գոտի, ստեղծում կյանքին ու առողջությանը սպառնացող վտանգ թե՛ իրենց, թե՛ երթևեկության այլ մասնակիցների համար:
Ո՞ւր են փառաբանված, իշխանական սատելիտ ու «իրավապաշտպան» դիրքավորվողների գովաբանած պարեկները, ոստիկանները՝ բարեփոխյալ, թե անբարեփոխ: Ահռելի գումարներ են ծախսվել, դրամաշնորհների, տարբեր ֆինանսավորումների տեսքով, ի՞նչ է արվել: Ոչինչ: Պարեկային ծառայությունը իշխանության «գովազդային դեմք» էին դարձրել: Ամբողջ բարեփոխումներն ուղղված են, կրկնենք, մեկ անձի սպասարկմանը:
Իսկ ի՞նչ են անում, ընդհանրապես, իրավապահները: Ընդդիմադիրներին են լրտեսում: Հոգևորականներին են լրտեսում: Ընդդիմադիր բլոգերի են առևանգում: Հետո ընդդիմադիրների ու հոգևորականների վրա գործեր են սարքում, «ասֆալտին փռում», դատում: Կարգալույծ քահանայի, այսինքն՝ ոչ հոգևորականի կողմից հակաեկեղեցական միջոցառման «մասսովկա» են ապահովում: Փաշինյանի կարճ տեսանյութերում պատահական անցորդի, ուղևորի, հեծանիվ քշողի դեր են կատարում:
Այդքանից հետո էլ ի՞նչ «հիմնական գործառույթ»: Ո՞վ դրա ժամանակն ու հավեսը կունենա: Մանավանդ, որ «անմիջական գործառույթների» համար նրանց չեն պարգևավճարում: Փաշինյանական իշխանավարման հատկապես վերջին տարիների համար, ի դեպ, միանգամայն հիմնավորված, առանձին փորձագետներ գործածում են ոստիկանապետություն բնորոշումը: Զավեշտն այն է, որ այդ ոստիկանապետությունը 1 անձի համար է բառացիորեն: Աջուձախ, իբր, ոստիկաններ ու պարեկներ են: Բայց ամեն օր՝ դանակահարություն, գողություն, ծեծկռտուք, սպանություն, դժոխային երթևեկություն: Իսկ որտեղ իրականում պետք է լինեն, չկան...
Մանրամասները՝ «Փաստ» օրաթերթի այսօրվա համարում
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Սահմանների պաշտպանությունն ու առկա մարտահրավերները. ի՞նչ պետք է անի Հայաստանը. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
2023 թվականի ադրբեջանական ագրեսիան, դրա հետևանքով հայերի բռնագաղթը բխում էին ՀՀ ներկայիս ռեժիմի քաղա...
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
